शनिबार, कार्तिक २१ २०८३
शुक्रबार, १५ मंसिर २०८०
खबरब्रेकिंग, काठमाडौं, मङ्सिर १५ गते । एमाले अध्यक्ष केपी शर्मा ओलीले कांग्रेस सभापति शेरबहादुर देउवालाई डडेलधुरा पुगेर फोन गरेका छन्। डडेलधुरा पूर्वप्रधानमन्त्री समेत रहेका कांग्रेस सभापति देउवाको गृहजिल्ला पनि हो। मध्यपहाडी लोकमार्गकेन्द्रित अभियानअन्तर्गत ओली डडेलधुरा पुगेका छन ।
डडेलधुरा पुगेका बेला आफूले देउवालाई फोन गरेको ओलीले बताएका छन्। आफ्नो सचिवालयले गुडविल कलका रूपमा भिडियो बनाएपछि सामाजिक सञ्जालमार्फत् सार्वजनिक गरेको पनि ओलीले बताएका छन्। जय नेपाल भन्दै कुराकानी सुरू गरेका ओलीले आफूहरू गन्यापधुरानजिकै बास बसेको र डडेलधुरा राम्रो रहेको बताएका थिए।
‘सुन्दर डडेलधुरा ! मेरा मित्र शेरबहादुर देउवाको गृहजिल्ला ! यहाँ आएपछि उहाँलाई कल गरौं भन्ने लाग्यो। उहाँले आफू काठमाडौंमा भए पनि डडेल्धुरामा स्वागत छ भन्नु भयो। धन्यवाद शेरबहादुरजी !,’ अध्यक्ष ओलीले फेसबुकमा लेखेका छन्।
© 2026 All right reserved to khabarbreaking.com | Site By : SobizTrend
