शनिबार, कार्तिक २१ २०८३
बिहिबार, १४ मंसिर २०८०
खबरब्रेकिंग,काठमाडौं, मङ्सिर १४ गते । नेकपा एमालेको मध्यपहाडी लोकमार्गको महाकाली मेची यात्रा बैतडीको झुलाघाटबाट सुरु भएको छ । एमाले अध्यक्ष केपी शर्मा ओलीले महाकाली किनार झुलाघाटमा झण्डोत्तोलन गरेर पदयात्राको शुभारम्भ गरे । पदयात्रामा सहभागी हुन एमालेका केन्द्रीय पदाधिकारीसहितका नेता हिजै बैतडी पुगेका थिए ।
बैतडी सदरमुकाममा बास बसेका ओली बिहानै पार्टीको महाकाली मेची पदयात्राको उद्घाटनका लागि झुलाघाट पुगेका थिए । कार्यक्रममा एमालेका स्थानीय नेता कार्यकर्ताको भीड छ ।
‘समृद्धिका लागि संकल्प यात्रा’ नाम दिइएको यो कार्यक्रम पूर्वको चिवाभञ्ज्याङसम्म १ हजार ८ सय ७९ किलोमिटरको हुने एमालेले जनाएको छ । पदयात्राका क्रममा बैतडीको गोठालापानीमा आज आमसभाको आयोजना गरिएको छ ।
© 2026 All right reserved to khabarbreaking.com | Site By : SobizTrend
