शुक्रबार, कार्तिक २० २०८३
आइतबार, १९ कार्तिक २०८०
काठमाडौँ, कात्तिक १९ गते ।बाजुरा जाँदै गरेको जिप डोटीमा दुर्घटना भएको छ । बाजुरा जाँदै गरेको ग २ च २७७६ नम्बरको जिप राति २ बजेर २८ मिनेटमा दुर्घटना भएको हो। बाजुरा गौमूल–४ काँडाकोट का २१ वर्षीय महेश बुढाले चलाएको जिप सडकबाट ५०र६० मिटर तल खसेको प्रहरीले जानकारी दिएको छ।
डोटीको शिखर नगरपालिका– ६ अण्यौलमा बोलेरो जिप दुर्घटना हुँदा चार जनाको घटनास्थलमै मृत्यु भएको छ भने बाकी पाँच जना घाइते भएका छन्।
बाजुराको हिमाली गाउँपालिका–५ की २२ वर्षीया राधिका मलाल, छोरी ८ महिनाकी प्रार्थना मलाल, ३२ वर्षीया धनशोभा बुढा र छोरा ६ वर्षीय छोरा कविन्द्र बुढाको मृत्यु भएको जिल्ला प्रहरी कार्यालय डोटीका प्रवक्ता डिएसपी निशान्त श्रीवास्तवले जानकारी दिए।
जिप खोलामा रहेको र उद्धारमा कठिनाइ भएको प्रहरीले जनाएको छ। जीपमा १० जना सवार थिए। दुर्घटनामा घाइते पाँच जनामध्ये चार जनाको दिपायलस्थित शैलेश्वरी अस्पतालमा उपचार भइरहेको छ।
© 2026 All right reserved to khabarbreaking.com | Site By : SobizTrend
