नेपालको पुरानो गौरवमय चिनारी

इतिहासका कुरा

बिष्णु प्रसाद शर्मा,
बि. स. १७७९ पौष २७ गते भन्दा अघि पनि नेपाल, नेपालै थियो । स्व. श्री ५ पृथ्वीनारायण शाह भन्दा अघि गोरखा राज्यका राजाहरुले दौडमा भाग लिएर त्यहाँका मगर थरका जनताको भावनालाई कदर गर्दै अरु बाँकी जनताको साथ लिदै गोरखा राज्यलाई बीरताको स्थल नै कायम गराएका थिए । राम शाह, नरभूपाल शाह, शासक मात्रै होइनन्, शासनपद्धती, राजकाज चलाउने नीति, नियमको राम्रो पालना गर्दै आएका र ब्रिटिस रवैयाको नजर अन्दाज मात्र होइन, क्रुरता पनि बुझेर बसेका थिए । जव नरभूपाललाई टुक्रा टुक्रामा बिभाजित नेपाललाई सिंगो बनाउन पर्ने आबश्यकता दक्षिणमा रहेको छिमेकीलाई ब्यापारको निहँुमा सन ७१२ प्रवेश गरेको ब्रिटिसले तहस तहस बनाई रहेको र भोली नेपालको हविगत पनि सोही हुनेछ भन्ने ज्ञान प्राप्त भएको नुवाकोट मल्ल राजाको कब्जामा रहेकाले पहिला नै त्यो प्राप्त गर्नु उचित हुने देखे पछि नुवाकोट माथि पहिलो आक्रमण गरियो । राजकुमार श्री ५ पृथ्वीनारायण शाहले पनि यस बिषयलाई गहिरो अन्दाज गरिवक्सेको हुनाले बि.स. १७९९मा गोर्खाको राजगद्धिमा बसे पछि निक्कै गहिरो चेतनाका साथ एकिकरणको प्रयास गर्दै निरन्तरता दिई बक्सेको इतिहास छँदै छ । हिमाल, पहाड, तराई कोही छैनन् पराई भन्दै सबै देशवासी जनतालाई मेरा प्यारा देशवासी जनता भनेर सम्वोधन हँुदै आएको इतिहास हाम्रै सामु साक्षी रहेको छ । त्यसै गरी हाम्रा पुरखाहरुले शाहवंशिय राजाहरुका पूर्वजहरुलाई श्रद्धा गर्दै पृत्रीतर्पण गर्दै आइराखेका छौं । नेपालको भौगलिक अबस्था, बसोवास गर्ने जनता र बास्तविक अबस्थालाई नजिकवाट पहिचान गर्ने राजा पृथ्वी नरायण शाहले चार जात, छत्तिस बर्णको साझा फुलवारी हो भनेर सबैको गौरवता बढाई बक्सेको थियो । आज हामी नेपालीहरुलाई जातजातीमा बिभाजन गराएर भाँडेका छन । अब सबै नेपाली जनता एकै ठाउँमा उभिएर लडनु परेको छ । शर्मा, नेपाल संरक्षण अभियानका केन्द्रिय संयोजक हुन ।