अन्तर्राष्ट्रिय श्रमिक दिवसको अवसरमा युवा नेता खनाल द्वारा शुभकामना ब्यक्त

खबरब्रेकिंग, काठमाडौं, बैशाख १८ गते। नेकपा माओवादी केन्द्रका युवा नेता श्रीधर खनालले १३४औँ अन्तर्राष्ट्रिय श्रमिक दिवसको अवसरमा शुभकामना ब्यक्त गरेका छन । आज उनले आफनो आधिकारिक फेसबुकमा पोष्ट गर्दै शुभकामना ब्यक्त गरेका हुन । श्रमजीवी वर्गको हकहित र अधिकार सुनिश्चिताले मात्र देशको विकास हुन सक्ने उनको भनाई छ ।

उनले लेखेका छन् , ”१३४औँ अन्तर्राष्ट्रिय श्रमिक दिवसको अवसरमा स्वदेश तथा विदेशमा रहनु भएका सम्पूर्ण नेपाली श्रमजीवी दिदीबहिनी तथा दाजुभाइमा सुख, शान्ति, समृद्धि र प्रगतिको शुभकामना व्यक्त गर्दै निरन्तर आफ्नो कर्म क्षेत्रमा जुट्ने असङ्ख्य श्रमिकप्रति सम्मान प्रकट गर्न चाहन्छु । ‘सम्पूर्ण मजदुर तथा श्रमजीवी वर्गको एकता, सङ्घर्ष र बलिदानबाट आठ घण्टा काम, आठ घण्टा मनोरञ्जन र आठ घण्टा आराम लगायतका हकअधिकारको स्मरण गराउने गौरवशाली दिनका रूपमा हरेक वर्ष मे १ लाई विश्वभर अन्तर्राष्ट्रिय मजदुर दिवसका रूपमा मनाइन्छ ।देशमा श्रमजीवी वर्गको हकहित र अधिकारको सुनिश्चितता नभएसम्म देशमा विकास हुन सक्दैन । सम्पूर्ण मजदुर तथा श्रमिक नेपालीमा सुख, शान्ति र समृद्धिको कामना गर्दै हार्दिक शुभकामना तथा बधाई ज्ञापन गर्दछु ।”