सोमबार, साउन ११ २०८३
शुक्रबार, १५ मंसिर २०८०
खबरब्रेकिंग, काठमाडौं, मङ्सिर १५ गते ।स्वास्थ्य तथा जनसंख्या मन्त्री मोहनबहादुर बस्नेतले एचआईभी नियन्त्रणमा नेपालले उल्लेखनिय उपलब्धी हासिल गरेको बताएका छन् । ३६ औं विश्व एड्स दिवसको अवसरमा शुक्रबार दिनु भएको सन्देशमा स्वास्थ्य मन्त्री बस्नेतले सन् २०१० देखि २०२२ सम्म १२ वर्षको अवधिमा नयाँ एचआईभी संक्रमण दर ७७ प्रतिसतले घट्नु र एड्सका कारण हुने मृत्यु ८० प्रतिसतले घट्नु यो क्षेत्रका लागि ठूलो उपलब्धी भएको बताएका छन् । नेपालबाट सन् २०३० सम्म एचआईभी उन्मुलन गर्ने लक्ष्य प्राप्त चुनौतिपूर्ण भएकाले एचआईभी उन्मुलनका लागि समुदायसँग हातेमालो गर्न स्वास्थ्य मन्त्रालय तयार रहेको मन्त्री बस्नेतले उल्लेख गरेका छन् ।
यसै बिच शुक्रबार विभिन्न कार्यक्रमका साथ नेपालमा पनि ३६ औं विश्व एड्स दिवस मनाइएको छ ।
© 2026 All right reserved to khabarbreaking.com | Site By : SobizTrend
