आइतबार, कार्तिक २२ २०८३
मंगलबार, २ मंसिर २०८२
२ मंसिर, काठमाडौं । प्रहरीले वर्किङ भिसामा युके पठाइदिन्छु भन्दै रकम ठगी गरेको अभियोगमा २ जनालाई पक्राउ गरेको छ। पक्राउ पर्नेहरूमा सिन्धुपाल्चोकको सुनकोशी गाउँपालिका ७ घर भई काठमाडौं गोकर्णेश्वर नगरपालिका ७ बस्ने २२ वर्षीय आदर्श तिमल्सिना र सिन्धुपाल्चोकको इन्द्रावती गाउँपालिका ४ घर भएका ३४ वर्षीय आशिष खोखाली रहेका छन्।
पक्राउमध्ये आदर्शले युके पठाइदिन्छु भन्दै १ जना पीडितबाट ३० लाख ५० हजार रुपैयाँ र आशिषले ११ लाख ५० हजार रुपैयाँ लिई फरार भएको भन्ने पीडितको उजुरीको आधारमा काठमाडौं उपत्यका अपराध अनुसन्धान कार्यालयबाट खटिएको प्रहरीले काठमाडौं महानगरपालिका(१२ बाट आदर्शलाई आइतबार र आशिषलाई सोमबार पक्राउ गरेको हो। उनीहरूलाई आवश्यक अनुसन्धान तथा कारबाहीका लागि जिल्ला प्रहरी परिसर काठमाडौं पठाइएको छ।
© 2026 All right reserved to khabarbreaking.com | Site By : SobizTrend
