शनिबार, कार्तिक २१ २०८३
सोमबार, १० भाद्र २०८१
१० भदौं, काठमाडौँ । जनता समाजवादी पार्टी नेपालको सह अध्यक्ष रकम चेम्जोङ बन्नु भएको छ । हालै सम्पन्न पार्टीको एकताको राष्ट्रिय महाधिवेशनले पार्टीको विधानबमोजिम कार्य विभाजन गर्दै चेम्जोङलाई सह अध्यक्ष बनाएको हो।
राजकिशोर यादव, मृगेन्द्रकुमार सिंह यादव, गोविन्द चौधरी, शिवलाल थापामगर, विद्युत बज्राचार्य उपाध्यक्ष बनेका छन्। महासचिवमा लालबाबु राउत र रामकुमार शर्मा नियुक्त हुनु भयो ।
प्रकाश अधिकारी उपमहासचिव, मनिषकुमार सुमन पार्टीको प्रवक्ता, दीपक कार्की र रेखा यादव उपमहासचिव नियुक्त हुनु भएको छ । सचिवमा लीला सिटौला, शैलेन्द्र साह, सुनी लामा राजकुमार राई, सुरेश मण्डल, लाक्पा शेर्पा, कमरूद्धिन राई तथा कोषाध्यक्षमा सरिताकुमारी साह नियुक्त हुनु भएको पार्टीले जानकारी दिएको छ। पार्टीको एकता महाधिवेशनमा पदाधिकारीहरुको निर्वाचनको तयारी गरेको थियो। तर पछि सहमतीका आधारमा मनोनित गर्ने सहमती भएको थियो।
© 2026 All right reserved to khabarbreaking.com | Site By : SobizTrend
