जलन संवेदनशिलताको बुझाई र न्युनिकरण सम्वन्धी पैरवी कार्यक्रम सम्पन्न

३ जेठ , काठमाडौं । जलन संवेदनशिलताको बुझाई र न्युनिकरण सम्वन्धी पैरवी कार्यक्रम सम्पन्न भएको छ । काठमाडौंमा बि भि एस नेपालले जेष्ठ २ गते आयोजना गरेको कार्यक्रममा सरोकारवाला बिभिन्न ब्यक्तिहरुले यस बारे आ आफनो धारणा ब्यक्त गर्नु भएको थियो ।

कार्यक्रममा सहभागीहरूले सुरक्षा विषयमा महत्त्वपूर्ण सल्लाहहरू प्रस्तुत गरेका थिए । विशेष गरी गर्मीको मौसममा आगलागी र आपतकालिन घटनाहरूको जोखिम बढ्न सक्छ। सहभागीहरूले विद्युत् आपूर्ति लाइनबाट सुरक्षित रहने, सर्ट सर्किटको सम्भावना कम गर्ने र एलपीजी ग्यास चुहावटबाट बच्नका लागि सतर्क रहनुपर्ने कुरा सहभागीहरुले उठाएका थिए । साथै, बालबालिकालाई यी सबै खतराबाट टाढा राख्न र सलाईको जथाभावी प्रयोग नगर्न पनि सल्लाह दिइयो। उनीहरूले आपतकालीन अवस्थाहरूमा मेडिकल सहयोगको लागि एम्बुलेन्सको सम्पर्क नम्बरलाई सुरक्षित राख्नु महत्त्वपूर्ण भएको बताएका थिए ।

 

सम्भावित आगलागीको घटनालाई मध्यनजर गर्दै, विशेष ध्यान दिनुपर्ने कुरा भनेको जङ्गलमा आगलागीको जोखिम पनि अत्यधिक बढ्ने हो। यसका लागि सबैलाई सजग बनाउने र सुरक्षा उपायहरू अवलम्बन गर्ने आवस्यकता छ। कार्यक्रमका सहभागीहरूले यस्ता घटनाबाट जोगिनका लागि आवश्यक कदमहरू चाल्न र विभिन्न जोखिमहरूको सामना गर्न तयारी गर्न महत्त्वपूर्ण छ भन्ने कुरामा जोड दिएका थिए ।