शनिबार, कार्तिक २१ २०८३
बुधबार, २६ बैशाख २०८१
२६ बैशाख, काठमाडौं ।एक पटकको फुल चार्जमा ३५० किलोमिटर रेन्ज दिने इलेक्ट्रीक स्कुटर नेपालमा सार्वजनिक भएको छ । कम्पनीले क्रसफायरको महाराजगंज स्थित शोरुममा एक कार्यक्रम गर्दै स्कुटर सार्वजनिक गरेको हो । यसको बिक्री सुरू हुन भने अझै केही दिन लाग्ने कम्पनीका बजार प्रबन्धक अनुराग बमले जानकारी दिए ।
यो स्कुटरमा तीन राइड मोड उपलब्ध छ जसमा इको मोडमा ३५० किलोमिटर, ड्राइभिङ मोडलमा २८० किलोमिटर र स्पोर्टस् मोडमा २०० किलोमिटरसम्म रेन्ज उपलब्ध हुने कम्पनीको दावी छ ।
यो स्कुटरमा ४ हजार वाटको पीक पावर क्षमताको मोटर उपलब्ध छ । यसको टप स्पीड ६८ किलोमिटर प्रतिघन्टाको छ । कम्पनीले ३ लाख ६५ हजार रुपौयाँ तोकेर सार्वजनिक गरेको यो स्कुटरको आगामी हप्तादेखि बुकिङ सुरू हुने कम्पनीले जनाएको छ ।
© 2026 All right reserved to khabarbreaking.com | Site By : SobizTrend
