आइतबार, कार्तिक २२ २०८३
बिहिबार, ३ पुष २०८२
३ पुस,काठमाडौँ । राष्ट्रिय स्वतन्त्र पार्टीका सभापति रवि लामिछानेलाई उच्च अदालतले धरौटीमा रिहा गर्न आदेश दिएको छ। सहकारी ठगी तथा सङ्गठित अपराध अभियोगमा थुनामा रहेका लामिछानेलाई उच्च अदालत बुटवल इजलासका न्यायाधीश बाबुदेव आचार्य र तेज नारायण पौडेलको संयुक्त इजलासले बिहीबार धरौटीमा रिहा गर्न आदेश दिएको हो।
बुटवलस्थित सुप्रिम सहकारी ठगी प्रकरणमा पुर्पक्षका लागि थुनामा रहेका लामिछानेले सहकारीमा अपचलन गरेको भनिएको आफ्नो भागको बिगो रकम दाखिल गरे पनि जिल्ला अदालत रुपन्देहीका न्यायाधीश नारायण सापकोटाको इजलासले गत साउन २६ गते रिहा गर्न अस्वीकार गरेको थियो।
जिल्ला अदालतको सो आदेशविरुद्ध लामिछानेले गत भदौ ९ गते उच्च अदालतमा निवेदन दर्ता गराएका थिए। उच्च अदालतको आदेशसँगै अब लामिछाने धरौटी बुझाएर रिहा हुने भएका छन्।
© 2026 All right reserved to khabarbreaking.com | Site By : SobizTrend
