नागरिक बचाउ दल, नेपाल र प्रजातान्त्रिक पार्टी, नेपाल बीच मोर्चाबन्दी गर्ने प्रारम्भिक सहमति

 

१५ मंसिर,काठमाडौँ । नागरिक बचाउ दल, नेपाल र प्रजातान्त्रिक पार्टी, नेपाल बीच छिटोभन्दा छिटो कार्यगत एकता, सहकार्य र मोर्चाबन्दी गर्ने प्रारम्भिक सहमति भएको छ । दुवै दलले वर्तमान राष्ट्रिय परिस्थितिमा लोकतान्त्रिक, राष्ट्रवादी र जनमुखी शक्तिहरूलाई एउटै साझा एजेन्डामा उभ्याउनु अत्यावश्यक भएको निष्कर्ष निकालेका छन् ।

वार्ताको क्रममा न्युनतम साझा कार्यक्रम निर्माण गर्ने, राजनीतिक समन्वय बढाउने र दुवै दलका संरचनाबीच नियमित संवाद तथा संयुक्त क्रियाकलाप अघि बढाउने निर्णय समेत गरिएको वार्ता टोलीले जनाएको छ ।

यससँगै दुवै दलले देशभर सक्रिय राष्ट्रवादी संघ–संस्था तथा समविचारका राजनीतिक दलहरूसँग पनि आवश्यकतानुसार गठबन्धन र सहकार्य गर्ने औपचारिक निर्णय गरेका छन् ।

वार्ता समिति संयोजक श्री देबि प्रसाद सङ्रौला (नागरिक बचाउ दल, नेपाल) को संयोजनमा बसेको छलफलमा प्रजातान्त्रिक पार्टी, नेपालको तर्फबाट संयोजक रोहित पौडेल र डा. डीबी मोक्तान उपस्थित थिए । बैठक सकारात्मक वातावरणमा सम्पन्न भएको र कार्यगत एकताबारे छिट्टै निष्कर्षमा पुग्ने तयारी भइरहेको वार्ता पक्षले जनाएको छ ।