गुल्मीदरबारमा काँग्रेसको जिम्मेवारी, गोविन्द पाण्डेलाई उम्मेदवारी

 

 

नेपाली काँग्रेस गौंडाकोट गाविसको सभापति भएर होस् वा अन्य सामाजिक कार्यमा सक्रियता देखाएर किन नहोस् यस भेगमा गोविन्दबहादुर पाण्डे जनमनमा बसेको नाम हो । आपूm पदमा रहँदा वा नरहँदा पनि काँग्रेसका अतिरिक्त सामाजिक विकास र सहयोगमा निरन्तरताको अर्को नाम पनि हो गोविन्द पाण्डे । विद्यार्थीकालदेखि नेपाली काँग्रेस नजिक रहेर हरेक आन्दोलनमा सक्रिय योगदान गर्दै आउनुभएका पाण्डेलाई अहिले गुल्मीदरबार गाउँपालिकाको अध्यक्षमा उम्मेदवारी मनोनयन गराइयो भने यहाँको विकासले छलाङ मार्ने विश्वास छ जनतामा । जनाधार भएका विकासप्रेमी नेतालाई जिम्मेवारी दिनु पार्टीको कर्तव्य हो भने त्यस्तालाई मत दिनु मतदाताको कर्तव्य । कर्तव्यविमुख हुने छुट कसैलाई छैन ।
गौंडाकोटबाट लुम्थर हुँदै रेसुङ्गा जोड्ने बाटो होस् कि जुभुङतिर जाने बाटो नै किन नहोस् चाहे देवीथानबाट चारपाला जाने बाटो होस् त्यसमा पनि गोविन्दको श्रम, पसिना मेहनत र लगानी छ । स्कुललाई होस् वा मठमन्दिरलाई उहाँको सक्दो आर्थिक सहयोग परेकै हुन्छ । २०७४ को स्थानीय तह निर्वाचनमा आपूm र आप्mना नाताका उम्मेदवार नभए पनि पार्टीको लागि भन्दै पार्टीका झण्डा, टिसर्ट, टोपी, डिजल पेट्रोल तथा खाना र खाजामा गरि लाखौं खर्च, मेहनत र दुःख गर्नुभयो । मतदानस्थल पुग्न नसक्ने सयौंलाई मतदानस्थलसम्म पु¥याउनुभयो । जसको परिणाम गुल्मीदरबारको नतिजा राम्रो भयो ।
व्यक्तिगत जीवनमा आर्थिक रुपमा ठूला संकट आए पनि सामाजिक र राजनीतिक जीवनमा हरेश नखाई समर्पणभावले लाग्नुभएका पाण्डे गुल्मीदरबार गाउँपालिकाको निर्विकल्प अध्यक्ष हुनुपर्ने जनइच्छा रहेको बुझिन्छ । सामाजिक र आर्थिक न्यायका लागि फरक पार्टीका मानिसलाई पनि सहज हुँदै आउनुभएका पाण्डेको योगदान अन्यसँग अतुलनीय नै छ । केटाकेटीदेखि बुढाबुढीसम्मलाई माया र श्रद्धा गर्ने पाण्डेले सम्भव भएसम्म कसैको दुःखमा साथ दिन पाउनुलाई आप्mनो भाग्य ठान्नुहुन्छ ।
त्यस भेगको परिचित अनुहार पनि हो पाण्डेको छवी । काम गर्दा कहिलेकाहीँ मुख दोषी हुन परे पनि मन दोषी छैन । मनमा पाप नराखी सामाजिक काममा सधैँ अग्रसर पाण्डेको पहिचान विकास, सहयोग र रमाइलो व्यक्तित्व नै हो । जुनसुकै समाजमा उत्तिकै भिज्न र रमाउने सक्ने साथै कार्यक्षेत्रमा अत्यन्त सक्रिय व्यक्तित्व छ पाण्डेको । खासगरी सडकमा नयाँ ट्र्याक खोल्ने, मर्मत गर्ने र कालोपत्रे गर्ने कार्य गुल्मीदरबार क्षेत्रबाहिर अन्य जिल्लामा समेत योगदान गर्नुभएको छ । उहाँको सक्रियतामा पुलपुलेसा बनेका छन् । विभिन्न शिक्षणसंस्थामा आर्थिक सहयोग पुगेको छ । जनतालाई चहिने विकास हो जो उहाँले गरि नै रहनु भएको छ ।