पुरानो सत्ता ढल्नुका कारणबारे अध्यक्ष ओम प्रकाश बिकको टिप्पणी: नीति कार्यक्रमको अभाव मुख्य कारण

 काठमाडौं । नेपाल मातृभूमि पार्टीका अध्यक्ष ओम प्रकाश बिकले देशको पुरानो सत्ता ढल्नुका प्रमुख कारणहरूबारे धारणा सार्वजनिक गरेका छन्। उनले सामाजिक सञ्जाल फेसबुकमार्फत लेख्दै विभिन्न संरचनात्मक कमजोरी र नीतिगत अभावका कारण पुरानो सत्ता कमजोर बन्दै अन्ततः पतनतर्फ गएको बताएका छन्।

अध्यक्ष बिकले आफ्नो पोस्टमा उल्लेख गर्दै भनेका छन् कि आधुनिक समयको “अल्गोरिदमको प्रभाव”, अन्तर्राष्ट्रिय गैरसरकारी संस्थाहरू (INGO) को लगानी, गुप्तचर संयन्त्रको असक्षमता, सिन्डिकेटमा आधारित राजनीति, साथै देशभित्र व्याप्त गरिबी, अशिक्षा र बेरोजगारीजस्ता समस्याहरूले पुरानो सत्तालाई कमजोर बनाएको हो।

उनले विशेषगरी जनतामा तीव्र रूपमा बढिरहेको विकासप्रतिको आकाङ्क्षालाई सम्बोधन गर्न सक्ने स्पष्ट नीति तथा कार्यक्रमको अभाव नै सत्ताको पतनको मूल कारण रहेको बताएका छन्। “जनताको अपेक्षा अनुसारको विकास र सुधारका एजेन्डा प्रस्तुत गर्न नसक्दा पुरानो सत्ता टिक्न सकेन,” उनले उल्लेख गरेका छन्।

अध्यक्ष बिकको भनाइ अनुसार अबको राजनीतिक नेतृत्वले यस्ता कमजोरीहरूबाट पाठ सिक्दै स्पष्ट दृष्टिकोण, व्यवहारिक योजना र जनमुखी कार्यक्रममार्फत अघि बढ्नुपर्ने आवश्यकता छ।

उनको उक्त अभिव्यक्तिलाई वर्तमान राजनीतिक बहससँग जोडेर हेरिएको छ, जहाँ नीति, पारदर्शिता र जनअपेक्षाबीचको दूरीलाई मुख्य चुनौतीका रूपमा लिइँदै आएको छ।