नेपाल होस्टल एसोसिएसन काठमाडौंद्वारा नयाँ वर्ष २०८३ का अवसरमा शुभकामना आदानप्रदान तथा क्यालेन्डर विमोचन सम्पन्न

काठमाडौं । नेपाल होस्टल एसोसिएसन (नेहा) काठमाडौं जिल्ला कार्यसमितिको आयोजनामा आज राजधानीमा नयाँ वर्ष २०८३ सालको उपलक्ष्यमा शुभकामना आदानप्रदान तथा क्यालेन्डर विमोचन कार्यक्रम भव्य रूपमा सम्पन्न भएको छ ।

कार्यक्रममा होस्टल व्यवसायी, शिक्षासँग सम्बद्ध व्यक्तित्वहरू तथा सरोकारवालाहरूको उत्साहजनक सहभागिता रहेको थियो । नयाँ वर्षको अवसर पारेर आयोजित उक्त कार्यक्रममा सहभागीहरूले एकआपसमा शुभकामना आदानप्रदान गर्दै आगामी वर्षमा होस्टल क्षेत्रलाई थप व्यवस्थित, मर्यादित र गुणस्तरीय बनाउने प्रतिबद्धता व्यक्त गरेका थिए ।

कार्यक्रमका प्रमुख अतिथि तथा विशिष्ट अतिथिहरूले होस्टल व्यवसायले विद्यार्थीहरूको आवास, अनुशासन र समग्र शैक्षिक वातावरणमा महत्वपूर्ण भूमिका खेल्ने उल्लेख गर्दै यसको सुधार र नियमनमा सबै पक्षको सहकार्य आवश्यक रहेको धारणा राखेका थिए ।

सोही अवसरमा संघले प्रकाशन गरेको नयाँ वर्ष २०८३ को क्यालेन्डरसमेत विमोचन गरिएको थियो । क्यालेन्डरमा संघका गतिविधि, महत्वपूर्ण मितिहरू तथा जानकारीहरू समेटिएको जनाइएको छ । कार्यक्रमको समापन गर्दै आयोजकले यस्ता कार्यक्रमले व्यवसायीहरूबीच आपसी समन्वय र सहकार्य बढाउने विश्वास व्यक्त गरेका छन् ।