जुनकिरीको बत्तिले स्वर्ग उज्यालो हुँदैन

बिष्णु प्रसाद शर्मा,

 

२६ अप्रिल १९७५ का दिन सिक्किम कार्डलाई शिकारीले चित्रो प्रजातिको चरालाई भुतुक्क मारेर झै भारतीय सैनिकले सिक्किमलाई झारेर कब्जा गरेको थियो । गार्डहरुले मेरो देश सुनाखरी फूले झै फूलिरहोस् भन्ने गीत गाउँदै एक थोपा पानी समेत पिउँन नपाउँदै देहत्याग गरे । शिर ठाडो पारेर आफ्नो भूमिकाका लागी उभिन नसक्ने जो भएनी , ती सच्चा नागरिक कदापी हँुन सक्दैनन् ।

रामले फेरि एक पटक पुनः जन्म नलिए सम्म अन्याय ठेस लाग्ने तिखा बिषालु काँडाहरुले घोचेको पीडालाई सहन गर्ने पर्दछ, गरिरहुँ । लाइबेरियाका चाल्र्स टेलरले पनि चुनाव जितेकै थिए । चुनाव जित्नुलाई देश भक्त कदापी मान्न सकिदैन । मानवता बिरोधी चाल्र्स टेलर भए । परालको खुट्टा भएका लोभको ढाकर भिरेकाहरु लोकतन्त्र बोक्दैमा इमानको छाती र आफ्नै अस्तित्वमा उभिएका छन भन्न सकिदैन । शिर ठाडो पार्न नसकेर अपराधको रापले भत्त भत्त पिल्सिएकाहरु कायर हुन ।

सुनिन्छ, १८१६ मा सुगौली सन्धिमा भूमिका निर्वाह गर्ने चन्द्र शेखर उपाध्याय गजराज मिश्रले अंग्रेज शासकबाट बक्सिस पाएका थिए रे । नेपालको काम गरेका मानिसहरुले अंग्रेज शासकबाट बक्सिस् पाएको सुन्दा गडबड त भएकै रहेछ नी हैन र ? दिल्लीमा बसेर १२ बँुदे सम्झौता गर्नेहरुले उपाहार स्वरुप लोकतन्त्र पाए । गजराज मिश्र, चन्द्र शेखर उपाध्याय र यिनिहरुमा के नै फरक रहयो ?

नेपालमा २६४ प्रजाती र ३५०० संख्याका जडिबुटी पाइन्छ । तर बेसार , करेला, निम, सिलाजित, हर्रो, बर्रो, अमला र कालो जिरा लगायतका आयुबैदीय जडिबुटिको प्यारेन्ट राइट नेपाल संग छैन । लोकतन्त्र भयो आफ्नो सम्पत्ति अरुको भयो । हुमायु नदिमा भुगल सम्राट डुब्न लागेको देखेर किनारामा रहेको माझीले बँचाइदियो । सम्राट खुशी भएर माझीलाई जे मागेनी दिने बाचा गरे । माझीले २४ घण्टा राजा हुन पाउँ भन्यो । माझी भोली पल्ट राजा त भयो । २४ घण्टामा आधा समय त उसले सुतेर बितायो । आधा समयमा छालाको टक चलायो । त्यस पछि उ फेरि नदी तिर माछा मार्न गयो । औकात नभएकालाई ठूलो जिम्मेवारी दियो भने यो भन्दा अरु के आशा गर्ने त ? नेतृत्वलाई हैसियत भन्दा ठूलो जिम्मेवारी बन्यो, लोकतन्त्रको इतिहास यही हो । जुनकिरिको बत्तिले स्वर्ग उज्यालो  हुँदैन  ।

अहिले नेपालको शासन सत्ता जनताले पाउन पर्ने न्युनतम सुबिधा लगायत न्याय कस्तो छ ? सरकार भनेको चिल हो, जनता चल्ला हुन । न्यायपालिका चल्लाको आमा हो । आमाले चल्लाको सधै रक्षा गर्नु पर्ने होइन ? नेपालका प्रथम प्रधान न्यायधिश हरि प्रसाद प्रधानको नाम नै आजको सम्मान हो । देश र जनता नै रहेन भने लोकतन्त्रले के नै लछारपाटो लगाउने हो र ? जनताले यो आजको अबस्थालाई नबुझे सम्म केही हुँदैन  । शर्मा, नेपाल संरक्षण अभियानका केन्द्रिय संयोजक हुनुहुन्छ ।