चाबहिलमा ‘भगवती ज्वेलर्स’को शुभारम्भ, विश्वास, शुद्धता र पारदर्शितालाई प्राथमिकता

काठमाडौं । रौतहट सुनचाँदी व्यवसायी संघका अध्यक्ष तथा युवा सुनचाँदी व्यवसायी अरुणराज सोनीले काठमाडौंको चाबहिलमा ‘भगवती ज्वेलर्स’ सञ्चालनमा ल्याएका छन्। चाबहिल–७, बौद्ध जाने मुख्य सडकमा सञ्चालनमा आएको ज्वेलर्सले ग्राहकलाई गुणस्तरीय सुनचाँदीका गरगहना उपलब्ध गराउने उद्देश्य राखेको छ।

नयाँ व्यवसायिक यात्रासँगै सोनीले सुनचाँदी कारोबारमा ग्राहकको विश्वासलाई पहिलो प्राथमिकतामा राख्ने प्रतिबद्धता व्यक्त गरेका छन्। ‘विश्वास, शुद्धता र पारदर्शिता, हाम्रो प्रतिबद्धता’ भन्ने मूल भावनाका साथ भगवती ज्वेलर्स सञ्चालनमा ल्याइएको उनले बताए।

सुनचाँदी व्यवसायमा लामो समयदेखि सक्रिय सोनी युवा पुस्ताका सफल व्यवसायीका रूपमा परिचित छन्। रौतहटमा व्यवसायिक अनुभव हासिल गर्दै आएका उनले काठमाडौंमा समेत आफ्नो व्यवसाय विस्तार गरेका हुन्। ग्राहकको बदलिँदो आवश्यकता, आधुनिक डिजाइनप्रतिको आकर्षण र सुनचाँदीको कारोबारमा बढ्दो पारदर्शिताको आवश्यकतालाई ध्यानमा राखेर भगवती ज्वेलर्स सञ्चालनमा ल्याइएको उनको भनाइ छ।

भगवती ज्वेलर्समा परम्परागत नेपाली संस्कृति र मौलिकता झल्काउने गरगहनादेखि आधुनिक डिजाइनका आकर्षक गहना उपलब्ध गराउने लक्ष्य राखिएको छ। विवाह, व्रतबन्ध, चाडपर्व तथा विभिन्न पारिवारिक समारोहका लागि आवश्यक सुनचाँदीका गहनासँगै ग्राहकको रुचि र मागअनुसार डिजाइन तयार गर्ने सेवामा समेत जोड दिइने बताइएको छ।

सुनचाँदीको कारोबारमा ग्राहकको विश्वास नै सबैभन्दा ठूलो पूँजी भएको बताउँदै सोनीले गहनाको शुद्धता, मूल्य निर्धारण र कारोबारमा पारदर्शिता कायम गर्ने प्रतिबद्धता जनाए। उनका अनुसार ग्राहकले आफ्नो लगानीको उचित मूल्य र गुणस्तरीय सेवा पाउन सकून् भन्ने उद्देश्यले व्यवसाय सञ्चालन गरिएको हो।

काठमाडौंको चाबहिल क्षेत्र व्यापारिक तथा आवासीय गतिविधिका दृष्टिले महत्वपूर्ण क्षेत्र भएकाले यहाँबाट ग्राहकलाई सहज सेवा प्रदान गर्न सकिने सोनीको विश्वास छ। बौद्ध, जोरपाटी, कपनलगायत आसपासका क्षेत्रका ग्राहकलाई समेत लक्षित गरी ज्वेलर्स सञ्चालनमा ल्याइएको उनले बताए।

नेपालमा सुनचाँदी व्यवसाय केवल व्यापार मात्र नभई संस्कृति, परम्परा र सामाजिक जीवनसँग समेत जोडिएको क्षेत्र भएकाले यस व्यवसायमा इमानदारी र विश्वसनीयता अत्यन्त महत्वपूर्ण हुने सोनीको धारणा छ। त्यसैले भगवती ज्वेलर्सलाई ग्राहकको रोजाइको भरपर्दो गहना पसलका रूपमा स्थापित गर्ने लक्ष्य आफूले लिएको उनले बताए।

युवा व्यवसायी सोनीले व्यवसायसँगै ग्राहकसँग दीर्घकालीन सम्बन्ध निर्माण गर्ने र समयअनुसार व्यवसायलाई प्रविधिमैत्री तथा आधुनिक बनाउँदै लैजाने योजना रहेको समेत बताए। ग्राहकको सन्तुष्टिलाई केन्द्रमा राखेर सेवा विस्तार गर्ने उनको प्रतिबद्धता छ।

नयाँ ज्वेलर्सको शुभारम्भसँगै चाबहिल क्षेत्रमा सुनचाँदी कारोबारको नयाँ व्यावसायिक गन्तव्य थपिएको छ। विश्वास, शुद्धता र पारदर्शितालाई आफ्नो व्यवसायको आधार बनाउँदै अघि बढ्ने भगवती ज्वेलर्सले आगामी दिनमा ग्राहकको विश्वास जित्दै आफ्नो छुट्टै पहिचान बनाउने अपेक्षा गरिएको छ।