सोमबार, भाद्र २९ २०८३
शनिबार, २८ माघ २०७९
काठमाडौं २०७९ माघ २८ गते ।नेपाल आयल निगम लिमिटेडका निर्देशक वीरेन्द्र गोइत नायब प्रबन्ध निर्देशक पदमा बढुवा भएका छन् । आपूर्ति तथा वितरण विभाग प्रमुख रहेका गोइतको योग्यता पुगेको झन्डै दुई वर्ष ढिला गरी बढुवा भएको हो ।
निगम प्रवक्ता विनीतमणि उपाध्यायका अनुसार नायब प्रबन्ध निर्देशक पदमा बढुवाका लागि गोइतसँगै अर्का निर्देशक दीपक बरालको नाम पनि सिफारिस भएको थियो । सञ्चालक समिति बैठकले वरिष्ठताका आधारमा गोइतको बढुवा गरेको हो ।
उनी आयल निगममा २७ वर्षदेखि कार्यरत छन् । उनले केही समय प्रवक्ताको जिम्मेवारीसमेत बहन गरेका थिए । देशभरको इन्धन आपूर्ति र वितरणमा उनले दख्खल राख्ने गरेका छन् । गोइतले निगमको थानकोट, भैरहवा, नेपालगन्ज, विराटनगरलगायतका डिपोमा प्रमुख भएरसमेत काम गरिसकेका छन् ।
© 2026 All right reserved to khabarbreaking.com | Site By : SobizTrend
