सोमबार, साउन ११ २०८३
सोमबार, २८ जेष्ठ २०७५
अहिले नेपाली उद्योग व्यवसायमा सरकारले बिशेष निगरानी राखेको छ । अहिले जताततै व्यवसायमा प्रहार भएको व्यवसायीहरुले भन्न थालेका छन् । वैदेशिक रोजगारको क्षेत्र, निर्माण सुन चाँदी धेरै जसो सवैमा सरकारले कडा कदम चालेको देखिएको छ । यस्तै ३८ क्वीन्टल सुन तस्करी प्रकरणको छानबिन गर्न गठित विशेष अनुसन्धान समितिले काठमाडौंको न्यूरोड र दरबारमार्गमा रहेको आरके ज्वलर्समा छापा मारेको छ ।
पसलबाट प्रहरी ठूलो परिणाममा सुन बरामद गरेको स्रोतको दाबी छ । ज्वलर्सका सञ्चालक राजेन्द्र शाक्य यसअघि नै पक्राउ परिसकेका छन् । यसअघि प्रहरीले सुनका मुख्य लगानीकर्ता मोहनकुमार अग्रवालको घरमा छापा मारेको थियो । शुक्रबार अग्रवालको घरमा छापा मारेर ३० लाख रूपैयाँ नगद, दुई किलो चाँदी र १० तोला सुन बरामद गरेको थियो । त्यस्तै, बा १० च २८२ नम्बरको गाडीसहित सुन राख्ने खाली डिब्बा, सुन बोक्ने ज्याकेट र अन्य केही महत्वपूर्ण कागजातहरु बरामद भएको थियो ।
© 2026 All right reserved to khabarbreaking.com | Site By : SobizTrend
