किन भेला भए एघार देशका कम्युनिष्ट नेताहरु काठमाडौंमा

बिभिन्न कम्युनिष्ट पार्टीहरुले कार्ल माक्सको सिद्घान्तलाई खरो रुपमा मानेको पाइन्छ । कार्ल माक्सलाई बर्षनी सम्झने पनि गरिन्छ । कार्ल माक्सको द्विशतवार्षिकीको अवसरमा आजदेखि अन्तराष्ट्रिय सेमिनार भव्य रुपमा भईरहेको छ । नेपालमा पनि कार्ल माक्सको सिद्घान्तलाई मान्ने कम्यूनिष्ट नेता कार्यकर्ता बिभिन्न कार्यक्रम गर्न व्यस्त छन् । कार्ल माक्सको योगदानका बारेमा विचार विमर्श गरिदै छ । आज देखी काठमाडौमा चलेको सेमिनारमा ११ देशका १५ कम्युनिस्ट, श्रमिक तथा समाजवादी पार्टीहरुको सहभागिता रहेको बताइएको छ । दुईदिने सेमिनारमा अस्ट्रेलियाको सोसलिस्ट एलायन्स, बंगलादेशबाट कम्युनिस्ट पार्टी अफ बंगलादेश, रिभुलसनरी पार्टी अफ बंगलादेश र सोसलिस्ट पार्टी अफ बंगलादेशले सहभागिता छ ।
माक्र्सवादलाई अझ उन्नत बनाउनका लागि सेमिनार आयोजना गरिएको आयोजक समितिका संयोजक नेपाल कम्युनिस्ट पार्टीका वरिष्ठ नेता माधवकुमार नेपालको भनाई छ । कार्ल माक्सको योगदानको महत्वलाई उजागर गर्न सेमिनारको तयारी थालिएको नेता नेपालले बताए ।
चीनबाट कम्युनिस्ट पार्टी अफ चाइना, जर्मनीबाट एमएलपिडी, भारतबाट कम्युनिस्ट पार्टी अफ इन्डिया र कम्युनिस्ट पार्टी अफ इन्डिया (माले) लिबरेसन, जापानबाट जापानिज कम्युनिस्ट पार्टी सहभागी छन् । वर्कर्स पार्टी अफ कोरिया, लाओ पिपुल्स रिभ्युलसनरी पार्टी, कम्युनिस्ट पार्टी अफ रसिएन फेडेरेसन, कम्युनिस्ट पार्टी अफ श्रीलंका र कम्युनिस्ट पार्टी अफ भियतनाम पनि सेमिनारमा सहभागी भएको आयोजकको भनाई छ ।