शुक्रबार, भाद्र २६ २०८३
मंगलबार, १८ जेष्ठ २०७८
काठमाडौं । प्रधानमन्त्री केपी शर्मा ओलीले कानून व्यवसायीमाथि गरेको टिप्पणीलाई नेपाली कांग्रेसका नेता डा शेखर कोइरालाले ‘हारेको मानसिकता’ भएको बताएका छन् । सामाजिक सञ्जाल फेसबुकमार्फत् सोमबार उनले प्रधानमन्त्री ओलीको टिप्पणी तानाशाही प्रवृत्ति भएको आरोप लगाए ।
प्रधानमन्त्रीको न्यायालय र कानून व्यवसायीहरूप्रतिको टिप्पणी हारेको मानसिकताको उपज, लोकतन्त्रको उपहास, गणतन्त्रको अवमूल्यन, अधिनायकवादी व्यवस्थाको पूर्वाभ्यास र तानाशाह बन्ने दिवास्वप्नको चाहना मात्रै हो’, उनले आग्रह गरेका छन्, ‘सजग बनौँ, आ–आफ्नो क्षेत्रबाट सशक्त प्रतिकार गरौँ ।’
नेता कोइरालाले त्यस्तो तानाशाहलाई न्यायालयले पतन गराइदिने बताएका छन् । ‘तानाशाहहरूको पतन न्यायालयले गरेको उदाहरण खोज्न अन्त जानु पर्दैन’, उनले भनेका छन्, ‘हाम्रै देशमा सर्वोच्च अदालतले शाही आयोग खारेज नगरिदिएको भए आज नेपालमा गणतन्त्र आएको नहुन सक्थ्यो ।’
© 2026 All right reserved to khabarbreaking.com | Site By : SobizTrend
