त्रिभुवन अन्तराष्ट्रिय विमानस्थलमा कर्मचारीको सेटिङ आतङक, मलेसियन पासपोर्ट लिएर नेपालबाट उडेका श्रीलंकनलाई कतारबाट फर्काइयो

नेपालको एक मात्र अन्तराष्ट्रिय बिमान स्थल हो त्रिभुवन अन्तराष्ट्रिय विमानस्थल । जहाँ वैदेशिक रोजगारीमा जाने कामदार देखी बिभिन्न कामको शिलशिलामा अर्को मुलुक जाने गर्छन । बढी मात्रमा भिडभाड हने कार्यालयको रुपमा यो बिमान स्थल पर्छ । यो त्रिभुवन अन्तराष्ट्रिय विमानस्थल माथि पटक पटक प्रश्न चिन्ह खडा हुने गर्छ । अहिले चर्चामा रहेको सुन तस्करी देखि सवै तस्करी भएको समाचार बारम्बार आउने गर्छन्् । साथै वैदेशिक रोजगारीमा जाने कामदारलाई पनि बिमान स्थलका कर्मचारीले त्यतिकै मात्रामा दुख दिने गरेको पाइन्छ । अध्यागमन कार्यालयबाट ठूलो संख्यामा कर्मचारी हेरफेर पनि भईरहन्छ तर बदमासी रोकिएको छैन । यस्तै तीन श्रीलंकन नागरिक मलेसियाको पासपोर्ट लिएर नेपालको विमानस्थलबाट उडेको खुलासा भएको छ ।
कतारस्थित अध्यागमनले उनीहरुलाई नेपालमा फर्काइदिए पछि यो कुरा बाहिर आएको हो । अध्यागमनका कर्मचारीको मिलेमतोमा उडेको पाईएको छ । फर्काइएकाहरुमा मुगुन्टान गानासान, देसानी पेथिमुथु, नागेश्वरी अरुमासान रहेको पाईएको छ । उनीहरु अध्यागमन विभागको हिरासतमा रहेको अध्यागमनले जनाएको छ । उनीहरुको पासपोर्ट तथा भिसा अवैध भएको भन्दै कतारले बुधबार नेपाल फर्काइदिएको हो । नेपालको अध्यागमनमा सेटिङ मिलाउन सजिलो हुने भएकाले नेपाललाई ट्रान्जिट बनाएर अस्ट्रिया जाने प्रयास गरेको आशंका गरिएको छ । अध्यागमनमा हुने सेटिङ कर्मचारीले पैसा लिएर गर्ने गर्छन्् । यो अहिले मात्र नभई दैनिक यस्तो काम भईरहेको छ ।