सोमबार, साउन ११ २०८३
बुधबार, २ पुष २०७६
काठमाडौं २, पुस । अख्तियार दुरुपयोग अनुसन्धान आयोगले बाराका एक जना प्रहरी जवानलाई सेवाग्राहीसँग घुस माग्दै गरेको अवस्थामा पक्राउ गरेको छ ।
जिल्ला प्रहरी कार्यालय बारामा कार्यरत प्रहरी जवान सरोजकुमार यादवले सेवाग्राहीसँग १५ हजार रुपैयाँ घुस माग गरिरहेको अवस्थामा पक्राउ परेको अख्तियार दुरुपयोग अनुसन्धान आयोगका प्रवक्ता प्रदीपकुमार कोइरालाले जानकारी दिए ।
घरेलु मदिरा बिक्री वितरणमा सहजीकरण गरिदिने भनी सेवाग्राहीसँग घुस मागी रहेको भन्ने सूचनाको आधारमा अख्तियार दुरुपयोग अनुसन्धान आयोगको कार्यालय हेटौंडाबाट खटिइएको टोलीले उनलाई कलैया उपमहानगरपालिका(३ बाट नियन्त्रणमा लिएको हो । यस बारेमा थप अनुसन्धान जारी छ ।
© 2026 All right reserved to khabarbreaking.com | Site By : SobizTrend
