धरानमा संयुक्त ग्रील उद्योग व्यवसायी संघको ९औँ अधिवेशन सम्पन्न, उदय कुमार राई अध्यक्षमा निर्वाचित

धरान । संयुक्त ग्रील उद्योग व्यवसायी संघ धरान को ९औँ अधिवेशन २०८२ चैत २८ गते सम्पन्न भएको छ । अधिवेशनबाट उदय कुमार राई अध्यक्षमा निर्वाचित हुँदै १३ सदस्यीय नयाँ कार्यसमिति गठन गरिएको छ ।

नवगठित कार्यसमितिमा प्रथम उपाध्यक्षमा कमल शंकर, द्वितीय उपाध्यक्षमा सुन्दर श्रेष्ठ, सचिवमा प्रेम कुमार राई, सह–सचिवमा मदन कुमार प्रधान तथा कोषाध्यक्षमा तुलाराम श्रेष्ठ चयन भएका छन् । त्यसैगरी सदस्यहरूमा पार्वती राई, विष्णु कुमार कार्की, हरि चौधरी, मनोज पराजुली, सुरज राई, प्रदीप विक र विवश विश्वकर्मा रहेका छन् ।

नवनिर्वाचित कार्यसमितिलाई ग्रील तथा स्टील व्यवसायी महासंघ नेपाल परिवारका तर्फबाट अध्यक्ष ठुलोबाबु श्रेष्ठले सफल कार्यकालको हार्दिक मंगलमय शुभकामना व्यक्त गरेका छन् । उनले ग्रील तथा स्टील व्यवसायलाई थप व्यवस्थित, सुरक्षित र व्यवसायीमैत्री बनाउन नयाँ नेतृत्वले महत्वपूर्ण भूमिका खेल्ने विश्वास व्यक्त गरेका छन् ।

अधिवेशनले व्यवसायीहरूको हकहित संरक्षण, व्यवसायको गुणस्तर अभिवृद्धि तथा आपसी सहकार्यलाई थप मजबुत बनाउने प्रतिबद्धता समेत व्यक्त गरेको छ । कार्यक्रम उत्साहपूर्ण वातावरणमा सम्पन्न भएको थियो ।