सोमबार, साउन ११ २०८३
बुधबार, २० कार्तिक २०७६
काठमाडौं २०, कात्तिक । भारतले जारी गरेको नयाँ नक्साको बिषयलाई लिएर चौतर्फी विरोध भईरहेको बेला नेपाल सरकारले पनि बिरोध जनाएको छ । बुधबार साँझ विज्ञप्ति जारी गर्दै परराष्ट्र मन्त्रालयले भारतीय नक्सामा कालापानी समेटिएको विषयमा आएका समाचारप्रति ध्यानाकर्षण भएको जनाएको छ ।
जारी विज्ञप्तिमा ‘कालापानी क्षेत्र नेपालको भूभाग हो भन्नेमा नेपाल सरकार स्पष्ट भएको बताउदै ‘दुई देशबीच टुंगिन बाँकी रहेका सीमा सम्बन्धी विषयहरू दुबै पक्षको आपसी सहमतिमा टुंग्याउनु पर्ने र एकपक्षीय ढंगबाट गरिने कुनै पनि निर्णय नेपाल सरकारलाई मान्य नहुने जनाएको छ ।
परराष्ट्रले दुई मित्र राष्ट्रबीचको सीमा समस्याको समाधान ऐतिहासिक दस्तावेज तथ्य प्रमाणको आधारमा कूटनीतिक माध्यमबाट हुनु पर्नेमा नेपाल दृढ रहेको उल्लेख गरेको छ ।
नयाँ नक्साको बिषयलाई लिएर बिभिन्न राजनैतिक दल, बिद्यार्थी नेता, सर्वसाधारण जनताले बिरोध गर्दै आएका छन् ।
© 2026 All right reserved to khabarbreaking.com | Site By : SobizTrend
