सोमबार, साउन ११ २०८३
मंगलबार, ३ भाद्र २०८२
३ भदौं, काठमाडौं । एनएमबि बैंकले नाडा अटो शोमा सहभागिता जनाउँदै चाडपर्व लक्षित विशेष अटो लोन योजना सार्वजनिक गरेको छ । यस योजना अन्तर्गत ग्राहकहरूले व्यक्तिगत सवारी साधन खरिद गर्दा न्यूनतम ७.१३ प्रतिशत ब्याजदरमा ऋण सुविधा लिन सक्नेछन् ।
बैंकका अनुसार यो अफर सीमित अवधिका लागि मात्र उपलब्ध हुनेछ । आवेदन प्रक्रिया सहज र लचिलो बनाइएको छ, जसले गर्दा इच्छुक ग्राहकले छिटोछरितो ऋण सुविधा पाउन सक्नेछन् ।
विशेषगरी इलेक्ट्रिक सवारी साधन खरिद गर्न चाहने ग्राहकका लागि यो योजना लाभदायी हुने दाबी बैंकले गरेको छ । वातावरणमैत्री सवारी प्रयोगलाई प्रोत्साहन गर्दै दिगो र हरित भविष्य निर्माणमा योगदान पुर्याउने उद्देश्य रहेको बैंकले जनाएको छ ।
ग्राहकहरूले थप जानकारीका लागि नजिकको शाखामा सम्पर्क गर्न वा नाडा अटो शोमा रहेको बैंकको स्टल (स्टल नं. इ–२४) मा जानकारी लिन सक्नेछन् ।
© 2026 All right reserved to khabarbreaking.com | Site By : SobizTrend
