मन्त्री यादवको प्रमुख आथित्यमा साल्ट ट्रेडिङ्गको ५७ औँ वार्षिक उत्सव सम्पन्न

काठमाडौं । साल्ट ट्रेडिङ्ग कर्पोरेशनले आफ्नो स्थापनाकालको ५७औँ वार्षिक उत्सव एक कार्यक्रम बिच सम्पन्न गरेको छ । उद्योग, वाणिज्य तथा आपूर्ती मन्त्री मातृकाप्रसाद यादवको प्रमुख आथित्यमा वार्षिक उत्सव कार्यक्रममा मनाएको हो ।

कार्यक्रमलाई सम्बोधन गर्दै उद्योग वाणिज्य तथा आपूर्ती मन्त्री मातृका प्रसाद यादवले साल्ट ट्रेडिङ्गले नेपालमा नुन आयात गर्ने र विक्री वितरण गर्ने एकाधिकार पाएको भन्दै बजारमा सरकारले साल्ट ट्रेडिङ्ग बाट खोसेर निजी क्षेत्रलाई नुनको कारोबार गर्ने ठेक्का दिँदै छ भन्ने हल्ला गलत भएको आरोप लगाए ।

उनले उद्योग क्षेत्रमा उल्लेखनीय काम भइरहेपनि मिडिया सधै सरकार र मन्त्रालयको विपक्षमा उभिने गरेको आरोप लगाए । उनले बिना प्रमाणको समाचार छापेर मिडियाले भ्रम छर्ने काम गरेका उनको भनाई छ ।

कार्यक्रमलाई सम्बोधन गर्दै कर्पोरेशनका कार्यकारी अधिकृत उर्मिला श्रेष्ठले संस्थाले नुनदेखि कृषकका लागि अनुदानमा रासायनीक मल विक्री–वितरणमा उल्लेखनीय योगदान पु¥याएको बताईन । ‘

इतिहासको यति लामो समयमा निरन्तर रुपमा कर्पोरेशनले आफ्नो उद्देश्य एवम् प्रतिबद्धता अनुसार आमजनतालाई सुपथ एवम् सहजरुपमा गुणस्तरीय उपभोग्य वस्तुहरुका साथै उपयोगी सेवाहरु उपलब्ध गराउँदै आएको उनको भनाई छ । यसै अवसरमा कार्यकारी अधिकृत श्रेष्ठले नेपाल सरकारबाट जनतालाई प्रदान गरिने सेवालाई आम उपभोक्ताको पहुँचमा पु¥याउन कर्पोरेशन सदैव सक्रिय रहने र भविष्यमा अझ सक्रिय भएर लाग्ने प्रतिबद्धता व्यक्ति गरिन ।

त्यस्तै, कार्यक्रममा बोल्दै उद्योग बाणिज्य तथा आपूर्ती मन्त्रालयका सचिव तथा कार्यक्रमका विशेष अतिथि बैकुण्ठ अर्यालले साल्ट ट्रेडिङ्गले सात वटै प्रदेश र ७ सय ५३ वटै स्थानिय तहमा आफ्नो सेवा विस्तार गरेको र उत्कृष्ट सेवा सुविधा आम उपभोक्तमा पु¥याएको बताए ।

उपभोक्त हित संरक्षण संघका प्रेमलाल महर्जनले उपभोक्ताको प्रत्यक्ष दैनिकीसँग र स्वास्थ्यसँग जोडिएको नुनको कारोबार साल्ट टेडिङ्गबाट निजि क्षेत्रमा कुनै हालतमा पनि लैजान नहुने बताए । यदी त्यसो गरे जुन दिन नुन निजी क्षेत्रमा जान्छ त्यस दिनदेखि उपभोक्तको जीवन स्वास्थ्य धरापमा पर्ने ठोकुवा गरे ।