काठमाडौंमा गोगोरोका ४५ वटा ब्याट्री स्वाप स्टेशन 

१५ चैत, काठमाडौं । गोगोरो र नेबुला इनर्जी   कम्पनीले काठमाडौँ उपत्यकामा ४५ वटा ब्याट्री स्वाप स्टेशन बनाएको छ, जहाँ स्कुटर चालकहरूले सजिलै पुरानो ब्याट्री फेरेर नयाँ चार्ज गरिएको ब्याट्री लिन सक्छन्।गोगोरो एउटा कम्पनी हो, जसले दुई पांग्रे विद्युतीय सवारीका लागि ब्याट्री बदल्ने (स्वाप गर्ने) प्रविधि बनाउँछ। यो प्रविधिमा गोगोरो विश्वमै अगाडि छ।

शुक्रबार ( १४ चैत ) आयोजना गरिएको पत्रकार सम्मेलनमार्फत गोगोरोले स्मार्ट स्कुटर बेच्नुअघि नै यी ब्याट्री स्वाप स्टेशनहरू बनाएको हो, जसले सहरी यातायातलाई छिटो, सजिलो र वातावरणमैत्री बनाउन मद्दत गर्ने बताएको छ।

यी ४५ वटा स्वाप स्टेशन हरेक २-३ किलोमिटरको दूरीमा राखिएका छन्, जसले गर्दा चार्ज गर्ने झन्झट बिना छिटो ब्याट्री बदल्न सकिन्छ।

ब्याट्री बदल्न मात्र ६ सेकेन्ड लाग्ने भएकाले, स्कुटर चालकहरूले बिना कुनै रोकावट यात्रा गर्न सक्छन्। गोगोरोका स्वाप स्टेशनहरू २४ घण्टा खुला रहनेछन् र पहिलो पटक प्रयोग गर्नेहरूका लागि पनि सजिलो बनाइएको कम्पनीले जानकारी दिएको छ।