सोमबार, कार्तिक १० २०८३
बुधबार, २१ चैत्र २०८०
खबरब्रेकिंग,काठमाडौं, चैत २१। नेपाल उद्योग वाणिज्य महासंघका अध्यक्ष चन्द्रप्रसाद ढकालले निजी क्षेत्रले सुव्यवस्थित रूपमा काम गर्न नसके व्यवसाय मात्र नभई सरकारको राजस्वमा समेत असर पर्ने बताएका छन । मंगलबार अर्थमन्त्री वर्षमान पुनसँगको भेटमा उनले यस्तो बताएका हुन । उनले राजस्व कम उठेपछि सरकारी निकायले व्यवसायीलाई अनावश्यक दुःख दिएको समेत बताए ।
पछिल्ला दिनमा अनावश्यक अनुगमन बढेको सदस्यहरूबाट गुनासो महासंघमा परेको ढकालले मन्त्री पुनलाई सुनाए । सरकारको राजस्व संकलनमा कमी आएपछि सरोकारवाला निकायले व्यवसायीलाई समस्यामा पारेको उनले बताए ।
अध्यक्ष ढकालले मुलुकमा उद्योग, व्यवसाय सञ्चालनका लागि उपयुक्त वातावरण बनाउन पहल गर्न अर्थमन्त्री पुनलाई आग्रह गरे । उनले अहिले मुलुकले बढीभन्दा बढी स्वदेशी तथा विदेशी लगानी भित्र्याउने समय आएको बताए ।
© 2026 All right reserved to khabarbreaking.com | Site By : SobizTrend
