निक सहकारीद्वारा १०% लाभांश प्रदान ; नयाँ संचालक समितिको चयन

काठमाडौं । डिल्लीबजारस्थित निक  बचत तथा ऋण सहकारी संस्था लिमिटेडले आफ्नो तेर्हौँ वार्षिक साधारणसभा सम्पन्न गरेको छ । संस्थाका  अध्यक्ष युवराज अधिकारीको  अध्यक्षतामा यही असोज ३ गते बुधबार सम्पन्न सभाले आर्थिक वर्ष २०७९/०८० को  संचित मुनाफाबाट शेयर सदस्यहरुलाई चुक्ता पुँजीको  १० प्रतिशत लाभांश प्रदान गरेको छ।

साधारणसभाले  आगामी ४ वर्षको कार्यकालको लागि पुनः युवराज अधिकारीको अध्यक्षतामा नयाँ संचालक समितिको सर्वसम्मत चयन गरेको छ।

नयाँ संचालक समितिको उपाध्यक्षमा अच्युतराज पराजुली , कोषााध्यक्षमा  होम बहादुर बानियाँ , सचिवमा मिना कुमारी निरौला , सदस्यहरुमा  कल्पना के.सि. , ओमकार तिमल्सिना र गोविन्द प्रसाद ढकाल रहेका छन ।

त्यस्तै, लेखा समितिको संयोजकमा गोकर्ण प्रसाद पोखरेल र सदस्यहरुमा दिल कृष्ण प्रजापती र शम्भु प्रसाद पोखरेल निर्वाचित भएका छन ।

साधारणसभाले संस्थाको आर्थिक वर्ष २०७९/०८० को वार्षिक प्रगति प्रतिवेदन छलफल र सुझावसहित पारित गरेको छ। समिक्षा आर्थिक वर्षको वासलात , लेखा र सुपरिवेक्षण प्रतिवेदन , नाफानोक्सान हिसाब लगायतका आर्थिक प्रतिवेदन पनि सभाबाट पारित भए।

सभाले चालू आर्थिक वर्ष २०८०/०८१ को वार्षिक कार्यक्रम , बजेट , लेखापरीक्षकको नियुक्ति लगायतलाई स्वीकृत गरेको छ।