कतारमा मर्करी मिना कम्पनीले प्रवासी श्रमिक माथि चरम श्रम शोषण

काठमाडौं– कतार नेपाली यूवाहरुको रोजगारीको गन्तव्य हो । काम गर्नकै लागी नेपाली यूवाशक्ति बिभिन्न देशमा जाने क्रम दिन प्रति दिन बढदो छ । बिदेशमा केही नेपालीे ले राम्रो आम्दानी गरे पनि धेरैले भने कारुणिक जिबन बिताउन बाध्य छन् । यस्तै एम्नेस्टी इन्टरनेसनलको एक नयाँ अनुसन्धानले सन् २०२२ को फिफा विश्वकपको संरचना निर्माणको जिम्मा पाएको एक इञ्जिनियरिङ्ग कम्पनीले ठुलो संख्याका आप्रवासी श्रमिकहलाई शोषण गरेको सार्वजनिक गरेको छ ।

मर्करी मिना नामक सो कम्पनीले आफ्ना श्रमिकहरुको तलव र रोजगारी बापत दिनुपर्ने अन्य सुविधा बापतको हजारौँ डलर भूक्तानी नगरी उनीहरुलाई कतारमा अलपत्र र बेखर्ची अवस्थामा पुर्याएको एम्नेस्टीको दावी छ ।
एम्नेस्टीले मर्करी मिनाका पूर्व श्रमिकहरुले पाउनु पर्ने रकम उनीहरुलाई दिलाउन कतार सरकारलाई आग्रह पनि गरेको छ । त्यस्तै एम्नेस्टी इन्टरनेसनल र अन्यले सन् २०१३ देखि दस्तावेजीकरण गरे बमोजिम श्रमिकहरु उपर शोषण गर्न कयौँ कम्पनीहरुलाई अवसर दिने “कफाला” प्रणालीमा आधारभूत सुधार गर्न पनि कतारसँग आह्वान गरेको छ ।
“सन् २०१७ मा श्रम सुधारको घोषणा गरे पश्चात् कतार सरकारको ठूलो प्रशंसा भएको थियो । तर त्यस्तै अक्टोवर २०१७ देखि अप्रिल २०१८ को बीचमा एम्नेस्टी इन्टरनेसनलले मर्करी मिनाका ७८ जना भारतीय, नेपाली र फिलिपिनी पूर्व श्रमिकहरुसँग अन्तर्वार्ता लिएर प्रतिवेदन तयार गरेको जनाएको छ ।