दुई दर्जन वैदेशिक रोजगार व्यवसायी समस्याको पोको बोकेर बालुवाटार

वैदेशिक रोजगार व्यवसायीहरुले प्रधानमन्त्री केपी शर्मा ओलीलाई भेटेर वैदेशिक रोजगार क्षेत्रमा देखा परेका समस्या बारे जानकारी गराएका छन् । व्यवसायीहरुले प्रधानमन्त्री निवास कार्यालय बालुवाटारमा भेटेर प्रधानमन्त्रीलाई आफना समस्या राखेका हुन् । सरकारले मेनपावर कम्पनीको धरौटी रकम ६ करोड बनाउने भन्ने अहिले चर्चा छ ।

तर व्यवसायीहरुले भने ६ करोड धरौटी रकम बनाए काम गर्न नसकिने बताईसकेका छन् । नेपालीहरुको प्रमुख रोजगारीको गन्तव्य मानिएको मलेशिया केही महिना देखी अनिश्चित कालीन रुपमा बन्द छ । मलेशियाको रोजगारी बन्द भएर मर्कामा परेका व्यवसायी थप धरौटी बढाउने कुराले झन थाल खाम की भ“ात खाम भन्ने अवस्थामा पुगेको बताउदै आएका छन् ।

व्यवसायीहरुले आफनो समस्या सरकारलाई पोख्ने पटक पटक प्रयास गरे पनि ठ“ाउ पाएका थिएन्न् । श्रम, रोजगार तथा सामाजिक सुरक्षा मन्त्री गोकर्ण बिष्टले व्यवसायीका समस्याको बारेमा कुनै सुनुवाई र्नै नगरे पछि दुई दर्जन वैदेशिक रोजगार व्यवसायीहरुले आफना समस्या एक मुष्ट रुपमा प्रधानमन्त्री ओलीलाई जानकारी गराएका छन् ।

व्यवसायीहरुको समस्याको बारमा प्रधानमन्त्री ओलीले सकारात्मक रुपमा लिएको व्यवसायीहरुले बताएका छन् । यो लामो समयको प्रतिक्षाको भेटले परिणाम राम्रो आउने आशा लिएको व्यवसायीहरुको भनाई छ ।