गृहमन्त्री बादलको पछिल्लो कदम प्रति निर्माण व्यवसायी महासंघको आपत्ति

गृहमन्त्री रामबहादुर थापा (बादलले) समयमा काम नगर्ने निर्माण व्यवसायी माथि कडा कदम चाल्ने चेतावनी दिदै आएका छन् ।साथै केही निर्माण व्यवसायीलाई पक्राउ समेत गरेका छन् । निर्माण व्यवसायीले भने गृहमन्त्रीको यो कार्यशैली प्रति असन्तुष्टी जनाउदै आएका छन् ।

नेपाल निर्माण व्यवसायी महासंघले निर्माण व्यवसायीहरू पक्राउ परेकोप्रति आपत्ति जनाउदै आएको छ । महासंघले विज्ञप्ति जारी गर्दै निर्माणको काम गरिरहेका निर्माण व्यवसायीलाई कार्यालयबाटै धरपकड गरिएको भन्दै आपत्ति जनाएको हो ।

महासंघका कार्यवहाक अध्यक्ष लक्ष्मणकुमार राना र महासचिव रामशरण देउजाद्वारा बिहीबार संयुक्त रुपमा जारी विज्ञपप्तिमा विधि र प्रक्रियाको खिल्ली उडाउँदै लोकतान्त्रिक मूल्य मान्यता विपरित सरकारले व्यवसायीहरुलाई पक्राउ गरेको आरोप लगाइएको छ ।

भौतिक पूर्वाधार निर्माण आयोजनाहरु तोकिएको समयमा सम्पन्न हुन नसक्नुको दोष व्यवसायीमाथि मात्र थोपरिनु जायज नभएको महासंघले जनाएको छ । व्यवसायीहरु सरकारको यो रबैयाले आतङकित भएको महासंघले जनाएकोे छ ।