बाजेको सेकुवा कर्नरमा छापा, मालिक चेतन भण्डारी फरार

अहिले सुन तुस्करीको काण्डमा माथिल्लो तहका प्रहरी कर्मचारी देखी व्यवसायी गुण्डा सम्म मुछिने क्रम जारी छ । यस बिषयमा प्रहरीले बिशेष निगरानी राखेको छ । यस्तै ३३ किलो सुन प्रकरणमा शंकास्पद मानिएको रेस्टुरेन्ट बाजेको सेकुवा कर्नरमा गृहमन्त्रालयको छानबिन समितिले छापा मारेको छ । समितिले अनामनगर, स्रोहखुट्टे, एयरपोर्ट, सामाखुसीसहित ६ शाखामा छापा मारी सिलबन्दी गरेको समितिले जनाएको छ ।

समितिले छापा मारेका सबै सेकुवा कर्नरबाट कागजात नियन्त्रणमा लिँदै कारोबार रोक्का गरेको छ । रेस्टुरेन्टका मालिक चेतन भण्डारी फरार छन् । उनलाई फरार प्रतिवादी बनाएर सुन तस्करीमा जिल्ला अदालत, मोरङमा मुद्दा दायर भएको थियो । सुन तस्करीमा संलग्न भएको आरोपमा भण्डारीको सम्पत्ति र बैंक खाता यसअघि नै रोक्का भइसकेको छ । अनुसन्धान समितिले यसअघि सुनका मुख्य लगानीकर्ता एमके भनिने मोहनकुमार अग्रवाल र अर्का प्रतिवादी राजेन्द्र शाक्यको आरके ज्वेलर्सको ३ वटा शाखामा छापा मारेको थियो ।