शुक्रबार, भाद्र २६ २०८३
शुक्रबार, ८ साउन २०७८
काठमाडौं । नेपाली कांग्रेसको पदाधिकारी बैठक बूढानिलकण्ठमा सुरु भएको छ । बैठकमा पूर्वपदाधिकारीहरु पनि छन् ।
केही बेरअघि सुरु भएको बैठकमा महाधिवेशनसम्बन्धी छलफल हुने बताइएको छ । प्रधानमन्त्री शेरबहादुर देउवाको निवासमा यो बैठक सुरु भएको हो । यसअघि प्रधानमन्त्री देउवाले बालुवाटारमा पार्टीको बैठक बोलाएपछि यसको आलोचना भएको थियो । आलोचना भएसँगै उनले अब पार्टी बैठक बालुवाटार प्रधानमन्त्री निवासमा नराख्ने दृढता व्यक्त गरेका छन् ।
बैठकमा क्रियाशिल सदस्यता विवाद छानबिन समितिका संयोजक रमेश लेखकले कार्यप्रगति विवरण पेश गर्दै छन् ।
कांग्रेसले वडा अधिवेशन १२ साउनमा गर्ने तय गरे पनि क्रियाशिल सदस्यता विवाद नटुंगिएकाले अहिलेसम्म यसको टुंगो लागेको छैन । अब कांग्रेसको वडा अधिवेशन केही दिन सर्न सक्ने बताइएको छ ।
© 2026 All right reserved to khabarbreaking.com | Site By : SobizTrend
