काँग्रेस कमजोर बन्यो भने लोकतन्त्र नै कमजोर हुने खतरा

नेत्रबहादुर लिम्वु
नेपाली कांग्रेस महासमितिको बैठक राजधानीमा सुरु भएको छ । भाबी महाधिवेशनमार्फत राजनीतिक नेतृत्व लिन अहिलेदेखि नै कांग्रेसमा रस्साकस्सी सुरु भइसकेको छ। यो राम्रो संकेत होइन । बिचार , शिद्दान्त र नीति अनुसार काँग्रेस अघि बढनु पर्छ । बिपीले अघि सारेका बिचार लिएर काँग्रेस अघि बढयो भने मात्र यसको भबिश्य छ । बि पी का बिचारको अभावमा काँग्रेस अलमलमा परेको छ । अव प्रस्ट रुपमा बि पी को बिचारलाई मार्गदर्शन मानेर काँग्रेस सामूहिक रुपमा लाग्यो भने यसको भविश्य राम्रो हुने छ ।

मुलुकमा चरम निराशाको स्थिति देखिएको छ । राजनीतिक परिवर्तनका लागी कांग्रेसले खेलेको भूमिका महत्वपूर्ण छ । यो परिवर्तनलाई संस्थागत गर्न र मुलुकको प्रजातान्त्रिक भविष्यलाई सुनिश्चित गर्न काँग्रेसको पनि भूमिका रहनु पर्छ । प्रमुख विपक्षी दलको जिम्मेवारीमा रहेको कांग्रेसले सरकारका गलत कामको खुलेर बिरोध गर्नु पर्ने आबश्यकता देखिएको छ ।

वास्तवमा कांग्रेसभित्र हिजोको जुझारुपन आवश्यक छ । मुलुकले हासिल गरेको राजनीतिक उपलब्धि रक्षाका निम्ति कांग्रेसले फेरि आफूलाई यो महासमिति बैठकपछि सक्रिय रूपमा लैजानु पर्छ । यो अहिलेको आबश्यकता हो । कांग्रेसको इतिहास र भविष्यप्रतिको जिम्मेवारी महत्वपूर्ण छ । यो जिम्मेवारी पूरा गर्न काँग्रेस अघि बढनु पर्छ ।

अहिलेको गतिविधिप्रति आमजनता निराश छन । जनतालाई निराश हुन दिनु हुदैन । किन भने जनता निराश भए भने प्रतिगामी तत्वहरु सलवलाउन थाल्ने छन । नेपाली काँग्रेस एकताबद्द भएर जानु पर्छ । गुट उपगुटको अन्त्य हुन जरुरी छ । जनआन्दोलन २०४६ पछि कांग्रेसका शीर्ष नेताहरू गणेशमान सिंह, कृष्णप्रसाद भट्टराई, गिरिजाप्रसाद कोइरालाले जुन किसिमले पार्टीलाई अघि बढाएका थिए । त्यसै किसिमले अहिले पनि पार्टी अघि बढाउनु पर्ने आबश्यकता देखिएको छ ।

कांग्रेस सभापति शेरबहादुर देउवा, वरिष्ठ नेता रामचन्द्र पौडेल, शशांक कोइराला, शेखर कोइराला, कृष्णप्रसाद सिटौला, गगन थापा लगायतका नेताहरु एकजुट भएर अघि बढनु पर्छ । त्यसो भयो भने काँग्रेस बलियो हुन्छ । मुलुकको शान्ति प्रक्रियालाई एउटा टुंगोमा पुयाउँदै संविधान जारी गर्ने देखि लिएर निर्वाचन गराउनेसम्मका काममा कांग्रेसको ठूलो भूमिका छ । यसका साथै कम्युनिष्ट विचार बोकेका दलहरूकै अजेन्डामा कांग्रेस नेतृत्व हिँडेका कारण कमजोर बनेको हो । अब यसले आफूलाई भिन्न ढंगले प्रस्तुत गर्नुपर्ने जरुरी देखिएको छ ।
नेपाली जनताले खोजेको शासन व्यवस्था अधिनायकवादी होइन ।

नेपाली जनताले निर्वा्चित गरेर पठाएको जथाभाबी गर्न र नागरिक स्वतन्त्रतालाई सीमित गर्नका निम्ति होइन । यो अवस्था सुनिश्चितताका निम्ति कांग्रेसले महत्वपूर्ण भूमिका खेल्नु पछ । कांग्रेस आफैंले महसुस गर्नु पर्ने जरुरी छ । कांग्रेसले गत निर्वाचनमा अपेक्षित सफलता हासिल गर्न सकेन । यो बारे महासमितिको बैठकमा समिक्षा हुन जरुरी छ ।

दललाई दिशानिर्देश गर्न पार्टी सभापतिको ठूलो भूमिका हुन्छ । पार्टी सभापति शेर बहादुर देउवाले सवै नेता , कार्यकर्ताहरुलाई मिलाएर लैजान सक्ने क्षमता प्रस्तुत गर्नु पर्छ ।कांग्रेसमा गतिशीलता छैन । यो सत्य कुरा हो । अव कााग्रेसले गति दिनु पर्छ ।

वास्तवमा कांग्रेसभित्र बिगतको जस्तै जुझारुपन आवश्यक छ । मुलुकले हासिल गरेको राजनीतिक उपलब्धि रक्षाका निम्ति कांग्रेसले फेरि आफूलाई यो महासमिति बैठकपछि सक्रिय रूपमा अघि बढाउनु पर्छ । काँग्रेस कमजोर बन्यो भने लोकतन्त्र नै कमजोर हुने खतरा हुन्छ ।