ट्रेड युुनियन कांग्रेसमा ‘गैरमजदूर’ को हावी, युनियनभित्र दुई संस्था जन्माउने प्रयास

काठमाडौं ४,मंसिर । नेपाल ट्रेड  युनियन कांग्रेसमा ‘गैरमजदूर’ को प्रतिनिधित्व हावी भएको छ ।युनियन भित्र गैरमजदूर हावी हुँदा युनियन नै फुटको संघारमा पुगेको छ ।

नेतृत्वमा पुगेका गैरमजदूरहरुले मंसिर ५ र ६ गते हुने युनियनको राष्ट्रिय समिति परिषद्बाट औपचारिक र अनौपचारिक क्षेत्रमा काम गर्ने श्रमिकका लागि बेग्ला बेग्लै संस्था बनाउने प्रस्ताव गर्दैछन् । यसले ट्रेड युनियन कांग्रेस भित्र तीव्र असन्तुष्टि बढाएको छ ।

अहिले रामचन्द्र पौडेल, कृष्ण सिटौला, शेखर कोइरालको गुट युनियन भित्र सक्रिय छ । युनियनभित्रै दुई संस्था खडा गर्नमा वर्तमान नेतृत्वले मुख्य भुमिका खेलिरहेको स्रोत बताउँछ ।

वर्तमान कार्यसमितिमा प्रतिनिधित्व गर्ने नेतृत्वकर्ता कारखाना क्षेत्रबाट प्रतिनिधित्व गर्दै आएको भएपनि उनीहरु श्रमिक नरहेको युनियन स्रोत बताउँछ ।

‘युनियनमा सरकारी अवकास प्राप्त कर्मचारी नेतृत्वमा छन् । पैसाको आडमा युनियनमा छिर्ने र मजदूरका नाममा राजनीति गरेर विदेश भ्रमणदेखि कमाउ धन्दामा लागेका छन्,’ नाम नबताउने सर्तमा युनियनका एक विभागिय प्रमुखले भने । आगामी परिषद्मा युवा र महिलाको बारेमा छलफल हुने भएपनि त्यहाँ पनि गैरमजदूरको प्रवेश गराउने चलखेल हुन लागेको स्रोतको दावी छ ।

त्यसका लागि विधान संशोधन गरेर गैरमजदूर छिराउने अर्को चलखेल सुरु भैरहेको युनियनमा आवद्ध एक नेताले बताए । आगामी परिषद्मा ट्रेड  युनियन कांग्रेसको काठमाडौं जिल्लाको आर्थिक छानविन र शुल्कको बारेमा परदर्शीता खोजिने, संगठन विस्तरमा व्यापक हुन नभएको बारे नेतृत्वको जवाफ माग्ने, युनियन सरकारी कर्मचारीको क्लव भएकोप्रति नेतृत्वको ध्यानाकर्षण गराउने युनियनमा लामोसमय देखि आबद्ध नेताहरुले तयारी थालेका छन ।

उनीहरुका अनुसार युनियनमा सबैको अपनत्व हुन सकिररहेको छैन । चुनावको रिक्तताको निरन्तरतामा गुटगत व्यवहार छ ।महासंघलाई एक्लौटी ढंगले चलाइनु र महिला र युवाको अधिवेशन विधान विपरित हुनु गलत हो । यस बारेमा परिषद्मा कुरा उठाउने तयारी रहेको यूनियनमा आबद्ध असन्तुष्ट पक्षका नेताहरु बताउँछन् ।