भाइरल बन्दै ह्रस्व, दीर्घ पछि एआईएको (७ प्रदेश) देउसी गीत (भिडियो)

शैक्षिक क्षेत्रमा आफुलाई बेग्लै पहिचानको रुपमा चिनाउन सफल स्कुलहरु मध्ये राजधानीको शङ्खमूलमा अवस्थित अवेरनेस इन्टरनेसनल स्कुल (एआईए) पनि एक हो । केही समयअघि ह्रस्व दीर्घका नियम सिकाउने गीत सार्वजनिक गरेर चर्चामा आएको (एआईए) फेरी अहिले देश चिनाउने देउसी गीत सार्वजनिक गरेर चर्चामा छ ।

स्कुल परिवारले तयार पारेको गीतको भिडियो म्युजिक नेपालको युट्युब च्यानलमार्फत् सार्वजनिक भएको छ । गीतको छायांकन विद्यालय परिसरमै गरिको छ । गीतमा सात प्रदेश, प्रदेश राजधानी, स्थानीय तहको संख्या, मुख्यमन्त्रीको नाम र प्रदेशका प्रसिद्ध क्षेत्रलाई समेटिएको छ । गीतलाई स्कुलले सामाजिक विषयको शिक्षण सामाग्रीको रुपमा प्रस्तुत गरेको हो ।
गीतका शब्द सिर्जना स्कुलकै शिक्षक कृष्णप्रसाद गैरे, बिमल घिमिरे र खगेश्वर गिरी गरेका छन् । गीतमा शिक्षक खगेश्वर, कृष्णप्रसादसँगै विद्यार्थीको श्वर समेटिएको (एआईए) ले जनाएको छ । संगीत राजकुमार घिमिरेले भरेका हुन् भने विद्यालयकै शिक्षक र विद्यार्थीले भिडियोमा अभिनय गरेका छन् । अभियन गर्दा विद्यार्थी विद्यालय पोशाकमै सजिएका छन् । गीतको छायांकन प्रविन तामाङले गरेका हुन् भने सम्पादनमा समेत उनको भुमिका देखिएको छ ।