बिहिबार, भाद्र २५ २०८३
मंगलबार, १५ असोज २०८१
काठमाडौं । माण्डु हाइड्रोपावर लिमिटेडको १३औं वार्षिक साधारणसभाले कम्पनीले प्रस्ताव गरेको १२% नगद लाभांश अनुमोदन गरेको छ। कम्पनीका अध्यक्ष रविन्द्र लाल श्रेष्ठको सभापतित्वमा सोमबार (असोज १४ गते) नेपा ब्यांकेट, नयाँ बजार, काठमाडौंमा सम्पन्न सभामा यही असोज ११ र १२ गतेको अविरल भारी वर्षाको कारण यस कम्पनीबाट संचालित २२ मेगावाटको बागमती साना जलविद्युत आयोजनामा पुगेको क्षतिबारे शेयर सदस्यहरुलाई जानकारी दिइएको थियो ।
सभाले गत वर्षको नाफाबाट कम्पनीको हालको चुक्ता पूँजी रु. १,३६,३६,३७,०००/- को शेयरधनीलाई करसहित १२ प्रतिशतले हुन आउने रु. १६३,६३६,४४०/- नगद लाभांश वितरण गर्ने प्रस्ताव पारित गरेको हो। साथै, सभामा आर्थिक वर्ष २०८०/८१ को सञ्चालक समितिको वार्षिक प्रतिवेदन, वासलात, नाफा नोक्सानलगायतका विषयमा छलफल हुनेछ भने आर्थिक वर्ष २०८१/८२ का लागि लेखापरीक्षक नियुक्ति गरी पारिश्रमिक निर्धारण गर्ने एजेन्डा रहेको छ ।
© 2026 All right reserved to khabarbreaking.com | Site By : SobizTrend
