शनिबार, भाद्र २७ २०८३
शनिबार, १६ असोज २०७८
फाइल तस्बिर।
जनकपुरधाम । लोकतान्त्रिक समाजवादी पार्टीका अध्यक्ष महन्थ ठाकुरले मधेसी जनतासँगको विभेद र अन्याय कायमै रहेको बताएका छन्।उनले संघीयतापछि कैयौँ सरकार फेरिए तर मधेसी जनतासँगको विभेद र अन्याय कायमै रहेको बताए ।
अध्यक्ष ठाकुरले मधेसी जनतासँगको विभेद अन्त्य नभएसम्म आफूहरूको संघर्ष जारी रहने चेतावनी दिए । जिरोमाइल युवा कमिटीको शपथग्रहण तथा पद हस्तान्तरण कार्यक्रममा शनिबार अध्यक्ष ठाकुरले संविधानमा गरिएको विभेद अन्त्य नभएसम्म सडक र सदन दुवैबाट संघर्ष जारी राख्ने बताए।
उनले मधेस आन्दोलनका क्रममा आन्दोलनकारीमाथि लगाइएका झुटा मुद्दा, नागकिता विधेयक, मधेस आन्दोलनका कतिपय मुद्दा जिल्ला अदालत, उच्च अदालत र सर्वोच्च अदालतमा रहेकाले फिर्तालगायत माग पूरा नभएसम्म संघर्ष जारी नै रहने बताए। ठाकुरले सरकारमा जानु ठूलो कुरा नरहेको भन्दै उनले आफूहरूको माग र मुद्दा सम्बोधन गर्ने कुनै पनि सरकारमा जान तयार रहेको बताए।
© 2026 All right reserved to khabarbreaking.com | Site By : SobizTrend
