आर्जन सहकारीद्वारा आठ प्रतिशत लाभांश प्रदान

३१भदौ, ललितपुर। ललितपुरस्थित कुमारीपाटीमा सञ्चालनमा रहेको आर्जन बचत तथा ऋण सहकारी संस्थाले आफ्ना शेयरधनीहरुलाई ८ प्रतिशत नगद लाभांश प्रदान गर्ने भएको छ। भदौ ३० गते शनिवार सम्पन्न संस्थाको १४ औं साधारणसभाले गत आर्थिक वर्ष ०७९/०८० को वार्षिक प्रतिवेदन र वित्तीय विवरण पारित गर्दै सो लाभांश प्रस्ताव पारित गरेको हो।

आर्जन बचत तथा ऋण सहकारीका अध्यक्ष प्रविण सुवेदीको सभापतित्व र राष्ट्रिय सहकारी बैंकका संचालक रमा घिमिरेको प्रमुख आतिथ्य उक्त साधारणसभा सम्पन्न भएको हो।

समिक्षा आर्थिक वर्षमा शेयरपूंजी रु. ३ करोड ३९ लाख ६७ हजार ९ सय पुगेको संस्थाले यस वर्ष रु. २२ करोड ३६ लाख २ हजार २४ र कर्जा लगानी २३ करोड २१ लाख ७ हजार ३०० रहेको प्रतिवेदनमा जनाएको छ। संस्थाको आयकर पछिको खुद नाफा रु. १ करोड ४ लाख ३८ हजार ५०७ रहेको छ। सहकारीले विश्वसनीय र स्तरीय सेवा दिनको लागि कुल कारोबार रकमको आधारमा तरलताको लागि रु. ५ करोड २५ लाख ५५ हजार ३९४ राखिएको बताएको छ।