नव निर्माण बहुउदेश्यीय सहकारी संस्थाको तेस्रो बार्षिक साधारण सभा सम्पन्न, अध्यक्षमा हरि राम जोशी

नव निर्माण बहुउदेश्यीय सहकारी संस्थाको तेस्रो बार्षिक साधारण सभा एक कार्यक्रम गरी सम्पन्न भएको छ । कार्यक्रमका प्रमुख अतिथी राष्ट्रिय सहकारी महासंघका अध्यक्ष केशवप्रसाद बडालले सहकारी देशको अर्थतन्त्रको मेरुदण्ड भएको बताए ।

अरु देशमा जस्तै नेपालमा पनि सहकारीको बाध्यमबाट देशको बिकास गर्न सकिने भन्दै छोटो समयमा नव निर्माण सहकारीले गरेको प्रगतीको प्रशंसा गरे । ललितपुर जिल्ला बचत तथा ऋण सहकारी संघका अध्यक्ष रामशरण घिमिरेले नवनिर्माण सहकारीले राम्रो प्रगती गर्ने सफल भएको भन्दै आगामी दिन अझ फड्को मार्ने सफलताको शुभकाना दिए ।

ललितपुर सहकारी संघका उपाध्यक्ष रामशरण बस्नेतले सहकारी राम्रो बनाउन सवै सदस्यहरु पनि चनाखो हुन आवश्यक रहेको भन्दै सहकारीले देशको आर्थिक क्षेत्रमा खेलेको भुमिका महत्वपूर्ण रहेको बताए ।
साथै साधारण सभाले नयाँ संचालक समिती चयन गरेको छ ।

अध्यक्षमा हरि राम जोशी, उपाध्यक्षमा शोभा कान्त पौडेल, सचिवमा प्रमोद नेपाल, ,कोषाध्यक्षमा बद्री प्रसाद अधिकारी , संचालनक सदश्यहरुमा नारायण नेपाल,शोमराज अधिकारी, राजु तिमल्सिना, लेखा संयोजकमा अनन्त नेपाल, लेखा समिती सदश्यमा प्रकाश गौतम , आसा कुमारी श्रेष्ठ रहेका छन् ।

नवनिर्वाचित अध्यक्ष हरि राम जोशी, नवनिर्माण सहकारीलाई अझ सशक्त रुपमा अगाडी बढाउने बताए । साधारण सभाको अवसरमा नवनिर्माण सहकारीले उत्कृष्ट कर्मचारी लगायत बिभिन्न व्यक्रित्वहरुलाई सम्मान समेत गरेको छ ।