६ करोड धरौटीको प्रस्ताव बिरुद्व आन्दोलनमा जान मेनपावर व्यवसायीहरुलाई प्रमुख सचेतक खाँडको निर्देशन

नेपाली कांग्रेसका संसदीय दलका प्रमुख सचेतक एवं पूर्वमन्त्री बालकृष्ण खाँडले मेनपावर कम्पनीको धरौटी ६ करोड बनाउने कुरामा आफनो पार्टीलाई मान्य नहुने बताएका छन् । नेपाली कांग्रेस निकट नेपाल लोकतान्त्रिक वैदेशिक रोजगार व्यवसायी फोरमको नवांै साधारणसभा कार्यक्रमलाई सम्बोधन गर्दै प्रमुख सचेतक खाँडले सरकारले मेनपावर कम्पनी धरौटी रकम ६ करोड बनाउने कुरा आफुलाई आपत्ती जनक भएको समेत बताए ।

उनले बर्तमान वैदेशिक रोजगार व्यवसायी संघको नेतृत्व नालायक भएका कारण सरकारले पेलिरहेको बताउदै त्यसका लागी आन्दोलन धर्ना जस्ता कार्यक्रम गर्न पनि फोरमलाई निर्देशक दिएका छन् । व्यवसायीहरुको आन्दोलनमा आफनो पार्टी र आफुले पूर्ण रुपमा सहयोग गर्ने आश्वासन दिर्दै सिंहदरवार भित्र प्रबेश गर्न प्रहरीले रोके सिंहदरबार भित्र छिराउने जिम्मा आफनो भएको समेत उनको भनाई छ ।

बर्तमान सरकार कम्यूनिष्टपार्टीको झण्डा र टोपी लगाएर तानाशाहको बाटोमा अगाडी बढेको पूर्वमन्त्री समेत रहेका खाँडले आरोप लगाए । नेपाली कांग्रेसका केन्द्रीय सदश्य सुरेन्द्रराज पाण्डेले सरकारले मेनपावर कम्पनीको धरौटी ६ करोड बनाउने कुरा जायज नभएको भन्दै सरकारलाई दवाब दिन व्यवसायीहरुलाई आग्रह गरे ।

उनले व्यवसायीहरुको लाचारी कारण पनि सरकारले यो कदम चालेको भन्दै व्यवसायीहरुले आफनो कार्यशैली परिबर्तन गर्न पनि सुझाब दिए । यस्तै नेपाली कांग्रेसकै केन्द्रीय सदश्य गुरुप्रसाद मैनालीले व्यवसायीहरु पनि सुर्धिन अहिले आवश्यकता भएको बताउदै सरकारले पनि व्यवसायीका समस्या छलफलका आधारमा सम्बोधन गर्नु पर्नेमा जोड दिए ।

नेपाल वैदेशिक रोजगार व्यवसायी संघका अध्यक्ष रोहन गुरुङले मेनवापरको धरौटी रकम बढाएर मात्रै यो क्षेत्रमा देखा परेका समस्या समाधान नहुने भन्दै श्रम तथा समाजिक सुरक्षा मन्त्रालय प्रति असन्तुष्ट व्यक्त गदै संघको नेतृत्वलाई भेटन नदिएको प्रति पनि मन्त्री गोकर्ण बिष्ट प्रति असन्तुष्टी पोखे ।

वैदेशिक रोजगार व्यवसायी संघका पूर्व अध्यक्ष बिमल ढकालले बर्तमान सरकार एकातिर सिन्डिकेटको बिरोध गर्ने अर्को तिर सिण्डिकेट लगाउन अग्रसर भएको आरोप लगाउदै मेनपावर कम्पनीको धरौटी रकम ६ करा्ेड पुरयाउने कुरा एउटा उदाहरण भएको बताए । बर्तमान सरकार दोहोरो चरित्र देखाउदै अधिनायकबाद तर्फ उन्मुख भएको उनको आरोप छ ।

संघका पूर्वअध्यक्ष तिलकबहादुर रानाभाट, हंशराज वाग्लले, लोकतान्त्रिक वैदेशिक रोजगार व्यवसायी फोरमका पूर्वअध्यक्ष किरण किशोर घिमिरे, प्रज्ञान न्यौपाने , प्रगतीशिल वैदेशिक रोजगार व्यवसायी मन्चका अध्यक्ष चित्र गुप्त सावॉ लगाएत बक्ताले पनि  धरौटी रकम ६ करोड बनाउने कुरामा आपत्ती जनाए ।