अन्तर्रािष्ट्रय बजारमा पेट्रोलियम पदार्थको मुल्य बढेको कारण देखाउदै निगमको मूल्य बढाउने तयारी

अन्तर्रािष्टय बजारमा पेट्रोलियम पदार्थ र डलरको मूल्य बढेको भन्दै नेपाल आयल निगमले मूल्य समायोजनको गर्ने तयारी अगाडी सारेको छ । आयल निगमको कार्यालयमा पत्रकार सम्मेलन गदै यस्तो कुरा बताएको हो । निगमलाई आएको सूचीअनुसार मूल्य समायोजन हुने समय १५ दिनमा ३१ करोड ५९ लाख रुपैयाँ त्यस्तै डिजेर र ग्यासको मूल्यसहित हिसाब गर्दा ५९ करोड रुपैयाँ घाटा भएको समेत बताएको छ ।

तर हवाइ इन्धनको नाफाको कारण केही कम पर्न गए पनि समग्रमा अहिले पेट्रोलमा एक रुपैयाँ ११ पैसा र डिजेलमा दुई रुपैयाँ ८४ पैसा घाटा रहेको आयल निगमले जनाएको छ । त्यस्तै निगमले एलपिजी ग्यासमा करिब ३३२ रुपैयाँ घाटा बेहोर्नु परेको जनाएको छ ।

आयल निगमले अहिले ग्यासको मूल्यमा समायोजन नगरे पनि पेट्रोल र डिजलको मूल्य बढाउने तयारी गरेको छ। पेट्रोलको कच्चा पदार्थमा प्रतिव्यारेल एक डलर बढ्दा महिनामा १७ करोड रुपैयाँ, अमेरिकी डलर एकले बढ्दा १५ करोड रुपैयाँ घाटा बढ्ने आयल निगमले जनाएको छ । पछिल्लो १५ दिनमा मात्रै डलरको मूल्य करिब ४ रुपैयाँले बढेको छ। नेपाल आयल निगमले २०७१ बाट स्वचालित मूल्य प्रणाली लागू गरेको छ ।