नेबिसंघको विवाद उत्कर्षमा,महामन्त्री समूहद्घारा महाधिवेशनको मिती घोषणा

नेपाल बिद्यार्थीसंघका अध्यक्ष नैनसिंह महरको कार्यशैलीको असन्तुष्ट रहदै आएको महामन्त्री कुन्दन काफ्लेसहितको समूहले १२ औं महाधिवेशनको मिति नै घोषणा गरेको छ । आज राजधानीमा पत्रकार सम्मेलनको आयोजना गर्दै काफ्ले समूहले आगामी साउन २३ देखि २५ गतेसम्म राजधानीमा महाधिवेशन गर्ने तय गरिएको बताएको छ ।

असन्तुष्ट समूहको असार २५ गते राजधानीको वाल्मीकि क्याम्पसमा बसेको केन्द्रीय समिति बैठकले अध्यक्ष नैनसिंह महरले गरेका मनोनयन खारेज गर्ने देखि महाधिबेसन गर्ने सम्मका निर्णयहरु गरेको थियो । विधान बमोजिम रिक्त २२ जना केन्द्रीय पदाधिकारी तथा सदस्यहरुको मनोनयन केन्द्रीय समितिको बहुमत बाट निर्णय गरिने पनि बैठकले निर्णय गरेको पत्रकार सम्मेलनमा जानकारी दियएको थियो ।

महामन्त्री काफ्ले समुहले आफुहरुसँग बहुमत केन्द्रिय सदस्य भएको दावी गर्दै महाधिबेसनबाट नयाँ नेतृत्व चयन गर्ने बताएको छ । पत्रकार सम्मेलनमा एक दर्जन केन्द्रिय सदस्यहरुको उपस्थिती रहेको थियो ।