नेपालको राजनीतिमा तरंग आउने गरी सर्वोच्च अदालतको फैसलाबारे डा बाबुराम भट्टराईले गरे यस्तो टिप्पणी

काठमाडौं । पूर्वप्रधानमन्त्री तथा संघीय समाजबादी पार्टीका नेता डा बाबुराम भट्टराईले प्रधानमन्त्री केपी ओलीले गरेको असंबैधाकि कदमप्रति सर्वोच्च अदालतले दिएको फैसलाको स्वागत गरेका छन् ।

उनले खड्गप्रसाद एण्ड कम्पनीको असंवैधानिक र प्रतिगमनकारी हर्कतलाई सर्वोच्च अदालतले पुनः एकपटक रोकेकोमा अदालतलाई र यस अभियानमा संलग्न सबैलाई हार्दिक वधाइ ज्ञापन गरेका छन् ।

उनले भने, ‘अब कुनै किन्तुपरन्तु गर्ने ठाउॅ छैन।’

‘संविधानलाई ट्र्याकमा ल्याएर प्रतिनिधिसभाबाट स्थीर सरकार दिऊॅ प्रतिगमनकारीलाई दण्डित गरौं’ – डा। भट्टराईले भने ।

सर्वोच्च अदालतले आज सोमबार प्रधानमन्त्री केपी शर्मा ओलीले गरेको प्रतिनिधि सभा विघटनलाई असंवैधानिक ठहर गर्दै बदर गरेको छ ।

प्रधानमन्त्री ओलीको सिफारिसमा राष्ट्रपति विद्यादेवी भण्डारीले दोस्रोपटक जेठ ७ गते मध्यरातमा प्रतिनिधिसभा विघटन गरेकी थिइन् ।

ओलीको कदम असबैधानिक ठहर गर्दै २८ घण्टाभित्र देउवालाई प्रधानमन्त्री नियुक्त गर्न सर्वोच्चको परमादेश जारी भएको छ ।