सर्वसाधारणको डेढ अर्ब ठगीका आरोपी सुधीर बस्नेत धरौटीमा रिहा

चर्चित घरजग्गा व्यवसायी सुधीर बस्नेत अदालतमा धरौटी बुझाएर छुटेका छन् । २०७३ पुस दोस्रो साता प्रहरीबाट उनी आफनै घरबाट पक्राउ परेका थिए । बस्नेत भक्तपुर जिल्ला अदालतले मागेको धरौटी बुझाउन सफल भए पछि जेलमुक्त भएका हुन् । धरौटी बुझाउन नसक्दा यसअघि उनी पुर्पक्षका लागि जेल परेका थिए । उनले सर्वसाधारणको १ अर्ब ६० करोड रूपैयाँ हिनामिना गरेको आरोप छ । उनीविरुद्ध भक्तपुरसहित जिल्ला अदालत काठमाडौं, स्याङ्जा र उच्च अदालत पाटनमा दर्जन बढी मुद्दा छन् । २०७१ भदौमा सर्वोच्च अदालतले सर्वसाधारणको पैसा लिएर फिर्ता नदिएको अभियोग लागेका ओरियन्टल सहकारीका अध्यक्ष बस्नेतलाई थुनामा पक्राउ गर्न आदेश दिएको थियो । कोहिनूर हिल हाउजिङ एण्ड कोहिनूर बिल्डर्सका नाममा बैंकहरुबाट बस्नेतले ७० करोड रुपैयाँ लिएका छन् । राष्ट्रिय वाणिज्य बैंकको २१ करोड ७१ लाख रुपैयाँ कर्जा उनले तिर्न सकेका थिएनन ।
उनले प्राइम कमर्शियल बैंकबाट २० करोड ४६ लाख, कुमारी बैंकको ७ करोड ३६ लाख र सिद्धार्थ बैंकको ६ करोड १५ लाख रुपैयाँ कोहिनूर हाउजिङमा लिएका थिए । नबिल बैंकको १४ करोड ६ लाख रुपैयाँ बस्नेतले डुबाएका छन्।ओरेन्टियल विल्डर्सको नाममा उनले एनआईसी एसिया बैंकबाट २० करोड एक लाख ३ ऋण लिएका थिए ।