आइतबार, कार्तिक ९ २०८३
शुक्रबार, १३ असार २०८२
१३ असार काठमाडौँ । राष्ट्रिय परीक्षा बोर्डको बैठक आज बस्दैछ, जसले माध्यमिक शिक्षा परीक्षा (एसईई) को नतिजा कहिले सार्वजनिक गर्ने भन्ने विषयमा निर्णय गर्नेछ। यसैबीच, आज साँझ ५ बजे नै एसईईको नतिजा सार्वजनिक हुने चर्चा चुलिँदै गर्दा बोर्डले बैठक आह्वान गरेको हो।
बैठकको समय अझै निर्धारण नभए पनि आजै निर्णय गर्ने तयारी रहेको बोर्डका अध्यक्ष महाश्रम शर्माले जानकारी दिए। यस वर्ष शिक्षकहरूको आन्दोलनका कारण उत्तरपुस्तिका जाँचमा ढिलाइ भएको थियो। तर, सरकारले आन्दोलनरत शिक्षकहरूको माग सम्बोधन गर्ने प्रतिबद्धता जनाएपछि उत्तरपुस्तिका परीक्षणको काम पुनः सुरु भएको थियो।
यस वर्षको एसईई परीक्षामा पाँच लाख १४ हजार ७१ विद्यार्थी सहभागी भएका थिए। परीक्षा नतिजा सार्वजनिक हुने मितिको निर्णयसँगै लाखौँ विद्यार्थी र अभिभावकको प्रतीक्षा चाँडै समाप्त हुने अपेक्षा गरिएको छ।
© 2026 All right reserved to khabarbreaking.com | Site By : SobizTrend
