गृहमन्त्री बादलको प्रहार अब एनजिओ–आइएनजिओ माथि, दुई हप्ता भित्र नविकरण नगरे स्वतः खारेज हुने

यातायात क्षेत्रमा रहेको सिण्डिकेट तोड्ने देखी निर्माणको काम समयमा नगर्ने ठेकेदारलाई प्रक्राउ गर्ने कदमले गृहमन्त्री बादल अहिले चर्चित मन्त्रीको रुपमा परिचित छन् । समयमा काम नगर्ने ठेकेदारहरुलाई तह लगाएरै छाड्ने बताउदै आएका छन् भने अर्कोतिर कारबार्ही प्रक्रिया समेत अगाडी बढाएको अवस्था छ ।

गृहमन्त्री बादलको काम कारबार्ही देखी आम जनता आसाबादी देखीएका छन् । उनले अव देशमा रहदै आएका सवै सिण्डिकेट तोडे्र छाड्ने उद्घोष गरिसकेका छन् । पछिल्लोे समय ठेकेदार माथि धाबा बोलेका गृहमन्त्री बादल अव एनजिओ–आइएनजिओतिर लागेका छन् । राष्ट्रिय गैरसरकारी संस्था (एनजिओ) तथा अन्तराष्ट्रिय गैरसरकारी संस्था(आईएनजिओ) को अनुगमन कामको बिषयमा नजिकबाट निगरानी सुरु गर्न थालेका छन् ।

गृह मन्त्रालयमा गृहमन्त्री रामबहादुर थापा ‘बादल’, र महिला बालबालिका तथा ज्येष्ठ नागरिक मन्त्री थममाया थापा बिच एनजिओ र आईएनजिओको कामकारबाहीको बारेमा गहन छलफल भएको छ । आईएनजिओको गतिविधि निगरानी नहुँदा विकृति बढ्दै गएको निष्कर्ष समेत निकालेका छन् ।

जसअनुसार वैठकमा पछिल्लो तीन वर्षदेखि दर्ता नविकरण नभएका एनजिओ र आईएनजिओको दर्ताका लागि १५ दिने म्याद जारी गर्ने र सो अवधीमा दर्ता नभए स्वतः खारेज गर्ने समेत निर्णय भएको छ । नेपालमा ४८ हजारको हाराहारीको एनजिओ दर्ता भएको सरकारी अनुमान छ भने सयौको सख्यामा आईएनजिओ दर्ता भएर बसेका छन् ।

तर धेरै एनजिओ र आईएनजिओहरु काम भन्दा पनि नाम मात्र ओगटेर बस्नेको संख्या बढी रहेको सरोकारवाला निकायहरुको भनाई छ । त्यस्तै भ्रष्टचारमा संलग्न, राजनीतिक गतिविधिमा संलग्न हुने, धर्म प्रचार गर्नेजस्ता कार्यमा संलग्न एनजिओ र आईएनजिओको समेत दर्ता नविकरण नगर्ने निर्णय बैठकले गरेको छ । गृहमन्त्रीले ७७ वटै जिल्लाबाट ति जिल्लामा सञ्चालित एनजिओ र आईएनजिओको विवरण र गतिविधि पठाउन जिल्ला प्रशासन कार्यालयलाई निर्देशन दिएका छन् ।