शुक्रबार, भाद्र २६ २०८३
बुधबार, १६ असार २०७८
फाइल फोटो
हेटौंडा । हेटौंडालाई काठमाडौंसँग जोड्ने छोटो दूरीको मार्ग भिमफेदी–कुलेखानी सडकखण्डमा फेरि पहिरो खस्दा बाटो अवरुद्ध बनेको छ। मंगलबार मात्रै पहिरो पन्छाएर सञ्चालनमा आएको उक्त सडखण्डमा बुधबार बिहानदेखि परेको पानीसँगै आएको पहिरोले फेरि बाटो अवरुद्ध बनेको हो।
शनिबारदेखि लगातार पहिरो खस्दै आएको भीमफेदी गाउँपालिका–६ साउने खोल्सीमा बुधबार फेरि पहिरो खसेको मकवानपुरका निमित्त प्रहरी प्रवक्ता प्रहरी निरीक्षक देवेन्द्र दासले बताए। उनको अनुसार साउने खोल्सी मात्रै नभएर हेटौंडाबाट काठमाडौ प्रवेश गर्ने अन्य विभिन्न स्थानमा सानो तथा ठूलो पहिरो खसेको छ। लगातार पानी परिरहेकोले कहाँ कहाँ पहिरो खसेको छ भन्ने जानकारी लिन नसकेको दासले बताए।
साउने खोल्सीमा ठूलो पहिरो खसेकोले त्यहाँको पहिरो नपन्छाइ अन्य स्थानको पहिरो पन्छाउन जान सक्ने अवस्था नभएको दासले बताए। लगातार पानी परिरहेकाले पहिरो पन्छाउन नसकेको उनको भनाइ छ।
© 2026 All right reserved to khabarbreaking.com | Site By : SobizTrend
